| e-texts navigator |
| Wylie |
359a1 པོ་མེད་པར་བཤད།། དཔེར་ན་དུག་གི་རིགས་ཤེས་པས།། དུག་གིས་མི་ཚུགས་བཞིན་དུ་སྣང་།། ཧ་ལ་ཧ་ལའི་དུག་རྣམས་ཀྱང་།། བསྒྲུབ་ན་ར་ས་ཡ་ནའི་སྨན།། བདུད་རྩིར་འགྱུར་ལ་ཚེ་རིང
359a2 འགྲུབ།། ཉོན་མོངས་རང་དང་སྤྱི་བསྟན་པ།། མཚན་ཉིད་མ་ནོར་རྟོགས་པས་ན།། རྣམ་པར་བྱང་བའི་ལམ་དུ་འགྱུར།། སྐུ་གསུང་ཐུགས་ཀྱི་དངོས་གྲུབ་ཀྱང་།། གང་ན་མེད་དེ་དེ་ཡིན་ཏེ།། ནང་གི་ཆེན་པོ་ལྔ་ཉིད
359a3 ཀྱང་།། རང་དང་སྤྱི་ཡི་དོན་བརྟགས་ན།། མཚན་ཉིད་མེད་པས་རྣམ་པར་དག། སོ་སོའི་རྩལ་རྣམས་འཛིན་གྱུར་པས།། ཐབས་ཆེན་དུ་ནི་རྣམ་པར་སྤྲོ།། མཚན་རྣམས་རང་བཞིན་མི་གནས་པས།། ཤེས་རབ་དབྱིངས
359a4 སུ་རྣམ་པར་སྦྱོར།། གཏི་མུག་ཅེས་ནི་བརྗོད་པ་ནི།། མ་རིག་མིང་གི་རྣམ་གྲངས་ཏེ།། གཉིས་མེད་དོན་གཅིག་ཡིན་པར་བཤད།། རང་གི་མཚན་ཉིད་བརྗོད་པ་ནི།། ཆོས་དང་བདག་དང་དངོས་པོ་རྣམས།། ངོ་བོ་ཉིད
359a5 ལ་སོགས་བརྟགས་པ།། རྟོག་ཉིད་སྒྱུ་མ་ཀླུང་གྱུར་ཏེ།། ལོག་རྟོགས་སྤྲོས་པའི་རྒྱུན་ཡིན་ལ།། ཐམས་ཅད་ཆོས་དབྱིངས་རོ་གཅིག་སྟེ།། བཟོད་པའི་ཆོས་ཉིད་མིག་གཅིག་ཡིན།། སྤྱི་ཡི་མཚན་ཉིད་བརྗོད་པ་ནི།། མི
359a6 རྟག་སྡུག་བསྔལ་སྟོང་བདག་མེད།། མ་རིག་པ་ནི་སྤང་དུ་མེད།། རིག་པ་ཡང་དག་བསྒྲུབ་ཏུ་མེད།། ཐམས་ཅད་དབྱིངས་སུ་རོ་གཅིག་ཐིམ།། སྒྱུ་མ་དངོས་པོར་རྟོག་པ་ནི།། སྒྱུ་མ་རྟོག་ཉིད་མི་དམིགས་པ།། མི
iiif viewer powered by OpenSeadragon
