| e-texts navigator |
| Wylie |
357b1 ཁྲོ་བོ་ཡིན།། རྟག་ཆད་མུ་བཞི་ཁྲོ་མོ་ཡིན།། དེ་སེམས་རང་རིག་ཉིད་ཅེས་བྱ།། ཐམས་ཅད་དབྱིངས་འགྱུར་ཀུན་ཏུ་བཟང་།། དེ་ཉིད་རྡོ་རྗེ་སེམས་དཔའ་ཡིན།། གང་གིས་དེ་ལྟར་རྟོགས་གྱུར་ན།། སེམས་དཔའ་ཉིད
357b2 དང་དགོངས་མཐུན་པས།། དེ་ཉིད་རྡོ་རྗེ་ཞལ་མཐོང་ཡིན།། ཆོས་རྣམས་མ་ལུས་ཐམས་ཅད་ཀུན།། མིང་དང་ཚིག་དང་ཡི་གེ་དང་།། སྒྲ་ཡིས་མཚོན་ནས་དོན་བསྟན་པ།། ཀུན་ཀྱང་ཡི་གེ་མིང་གཅིག་བཞིན།། གང་ཡང
357b3 དངོས་པོ་མ་ཡིན་ཏེ།། དངོས་མེད་དེ་ཉིད་སྣ་ཚོགས་སྣང་།། སྣང་བ་ཉིད་ན་གང་ཡང་མེད།། བྱ་བྱེད་སྣ་ཚོགས་ཀུན་བྱེད་ཀྱང་།། དངོས་པོ་མེད་དེ་ཡང་དག་ཉིད།། དེ་ནི་ཅིས་ཀྱང་མི་ཚུགས་པའི།། ས་རྡོ་དྲན་མེད་མ
357b4 ཡིན་ཏེ།། དེ་ཉིད་ཤིན་ཏུ་འོད་གསལ་ཡིན།། རྡོ་རྗེ་སེམས་དཔའ་དེ་ལྟར་གནས།། གང་གིས་དེ་ལྟར་རྟོགས་པ་ནི།། རིགས་མཆོག་དམ་པ་རྒྱུ་ཡིན་ཏེ།། རྡོ་རྗེའི་རིགས་དང་དབྱེར་མེད་ཕྱིར།། དེ་ཉིད་རྡོ་རྗེ་ཞལ་མཐོང
357b5 ཡིན།། སྐྱེས་བུ་བློ་རྩལ་རབ་ལྡན་པས།། ཀུན་དང་དབྱེར་མེད་དོན་རྟོགས་ཏེ།། འབྲས་བུ་མངོན་དུ་མ་གྱུར་ཀྱང་།། བྱང་ཆུབ་སེམས་ལ་གནས་བཅས་པས།། དཔེར་ན་མངལ་དང་སྒོ་ང་ཡིས།། མངོན་དུ་མ་གྱུར
357b6 བསྒྲིབས་གྱུར་ཀྱང་།། རྩལ་ཆེན་འདུས་པ་འབྱུང་བ་བཞིན།། རྣམ་རྟོག་གཟུགས་ནི་བོར་མ་ཐག། ཐམས་ཅད་ཀུན་ལ་དབང་སྒྱུར་ཞིང་།། རིགས་མཆོག་དམ་པ་འཛིན་པར་འགྱུར།། རྡོ་རྗེ་སེམས་དང་མཉམ་པ
iiif viewer powered by OpenSeadragon
