| e-texts navigator |
| Wylie |
356b1 མེད་དབྱིངས་དེ་བཞིན་ཉིད།། ཅིས་ཀྱང་མི་ཚུགས་རྡོ་རྗེ་ཡིན།། རྡོ་རྗེ་སེམས་དཔའ་དེ་ལ་གནས།། ལྷ་སྤྱོད་མཐུན་པས་ཞལ་མཐོང་ཡིན།། རང་བཞིན་དཀྱིལ་འཁོར་ཡང་དག་ནི།། ཆོས་དབྱིངས་བདག་དང་དབྱེར་མེད
356b2 པའི།། མཉམ་པར་སྦྱོར་ཞིང་དག་པའོ།། ཐམས་ཅད་བྱང་ཆུབ་ལྷུན་གྲུབ་པའི།། དེ་ལྟར་གང་གིས་རྟོགས་འགྱུར་བ།། དེ་ནི་ཡེ་ཤེས་གཉིས་ཅན་ཏེ།། དེ་ཡིས་ཡང་དག་སྙིང་པོ་མཐོང་།། དེ་ཉིད་ཅིས་ཀྱང་མི་ཚུགས
356b3 པ།། ཤིན་ཏུ་སྲ་ཞིང་བརྟན་པ་ཡིན།། རང་བཞིན་དབྱིངས་ནས་འོད་གསལ་བ།། སེམས་དཔའ་མཆོག་ཏུ་ཡང་དག་གསུངས།། དེ་ལྟར་རྟོགས་ན་ཞལ་མཐོང་ཡིན།། དེ་བཞིན་མཉམ་རྫོགས་ལྷུན་གྲུབ་ཡིན།། དེ་བཞིན
356b4 གཤེགས་དང་ཡེ་ཤེས་ལྔ།། རང་བྱུང་ཆེན་པོའི་དཀྱིལ་འཁོར་བསྒོམ།། རྟོགས་ཉིད་བྲལ་བའི་ཐབས་མཁས་ཀྱིས།། ལྷ་གསལ་དངོས་པོ་མེད་བསྒོམས་ན།། མཐོང་ཐོས་ལ་སོགས་མེད་པའི་ཚུལ།། རང་གི་ཡེ་ཤེས
356b5 གསལ་བསྒོམས་ན།། རང་བཞིན་མེད་ལ་ཅི་ཡང་འགྲུབ།། འགྲུབ་འགྱུར་ཉིད་ན་དངོས་པོ་མེད།། ཇི་ལྟར་བཅོམ་ལྡན་དེ་བཞིན་གྱིས།། བདུད་དཔུང་དཀྱིལ་དུ་ཏ་ལ་བཙུགས།། ཐམས་ཅད་བྱང་ཆུབ་ཤིང་བསྡུས
356b6 ཏེ།། གདུག་པ་ངང་གིས་མི་དགའ་ནས།། ཏ་ལ་བཅད་སྐམས་ཡོང་མི་གཅོད།། རྡོ་རྗེ་སེམས་དཔའ་དེ་ཉིད་ཡིན།། བདག་དང་ཏིང་འཛིན་མཐོང་གྱུར་པ།། དེ་ཉིད་རྡོ་རྗེ་ཞལ་མཐོང་ཡིན།། རྡོ་རྗེ་སེམས་དཔའ་ཉིད
iiif viewer powered by OpenSeadragon
