| e-texts navigator |
| Wylie |
355b1 ནི་སྔོ་ཞིང་འཚེར།། ཕྱག་གཡས་རིན་ཆེན་དབྱིག་ཏོ་ཐོགས།། གཡོན་ན་འདོད་ཡོན་བུམ་པ་གསོལ།། དབུ་ལ་རིན་ཆེན་སྣ་ཚོགས་མཛེས།། བཻ་ཤྲ་བ་ཎ་ཡེ་སྭཱ་ཧཱ། ཛཿཧཱུཾ་བཾ་ཧོཿཀུ་བེ་ར། ཀང་ཀང་།། ཡང་ཡང་། ཛཿཧཱུཾ་བཾ
355b2 ཧོཿ། འབུམ་དུ་བཟླས་ཤིང་སྲོག་ཡོད་པར།། ཡང་དང་ཡང་དུ་བཟླས་པར་བྱ།། བདག་ཉིད་བདུད་རྩི་ཧེ་རུ་ཀ། ཛ་ཡིས་རྣམ་ཐོས་སྙིང་ནས་དྲངས།། དབང་དུ་ཡང་དག་བསྡུ་བར་བྱ།། རྒྱབ་ནས་རྡོ་རྗེ་ཅན་གྱིས
355b3 ཕུལ།། ཡིད་བཞིན་རིན་ཆེན་དབང་དུ་འགྱུར།། གནོད་སྦྱིན་འཁོར་རྣམས་བྲན་བཞིན་བསྡུ།། རིན་ཆེན་སྤྲོས་ཤིང་ལས་རྣམས་བསྒྲུབས།། ཅི་འདོད་ལས་རྣམས་བྱེད་པར་འགྱུར།། སྒྱུ་འཕྲུལ་དྲ་བ་ལས་ལྷ་ཆེན་པོ
355b4 བསྒྲུབ་པ་དང་། རྒྱལ་པོ་ཆེན་པོ་བཞི་པོ་དཀྱིལ་འཁོར་བཀོད་ཅིང་བསྒྲུབ་པའི་ལེའུ་སྟེ་དྲུག་ཅུ་ལྔ་པའོ།། །། དེ་ནས་བཅོམ་ལྡན་འདས་དགྱེས་པ་ཆེན་པོས་ཚོགས་ཀྱི་དཀྱིལ་འཁོར་ལ་ཤིན་ཏུ་རྔམ་པའི་གདངས
355b5 ཀྱིས་གླུ་འདི་བླངས་སོ།། ཧཱུཾ། གཏུམ་ཆེན་དུས་མཐའི་མེ་ལྟར་འབར།། འོད་ཟེར་ཉི་མ་འབུམ་གྱི་གཟི།། ཁྲོ་གཉེར་གློག་སྟོང་འགྱུ་བ་བཞིན།། མཆེ་བ་ཟང་ཡག་ཟ་བྱེད་ཆེ་ཧོ།། ཧཱུཾ། རྔམ་པའི་ང་རོ་འབྲུག་སྟོང
355b6 ལྡིར།། ཐུག་ཆེན་རི་རབ་འབུམ་བསྙིལ་སྐད།། ཨ་ཨ་ཧ་ལའི་གད་རྒྱངས་ཆེ།། དབྱུག་པའི་འཐོར་རླུང་གཡེང་བ་ཆེ་ཧོ།། ཧཱུཾ། ཁྲོས་པའི་ཤེས་རབ་འོད་པོ་ཆེ།། ཡེ་ཤེས་དཀྱིལ་འཁོར་ཀུན་ཏུ་གསལ།། འབར་བའི་ཡེ
iiif viewer powered by OpenSeadragon
