| e-texts navigator |
| Wylie |
354b1 བདུད་རྩི་བུམ་པ་གསོལ།། ཨིན་ཏྲ་སྭ་ཡ་སྭཱ་ཧཱ། ཛཿཧཱུཾ་བཾ་ཧོཿ། ཏྲ་མི་ཏ་ཧཱུཾ་ཧཱུཾ་སུ་ར་ཏ་བག་ཏྲ་ཛཱཿཛཱ་ཛཱ་ཧཱུཾ་ཧཱུཾ། ཞེས་ལན་འབུམ་བཟླས་ནས།། བདག་ཉིད་རྡོ་རྗེ་ཧེ་རུ་ཀ། འདྲེན་པའི་ཕྱག་རྒྱ་དེ་དག་གིས།། ལྷ་ཡི་དབང
354b2 པོའི་སྙིང་ནས་དྲང་།། རྒྱབ་ནས་རྡོ་རྗེ་ཅན་གྱིས་ཕུལ།། དེ་ཉིད་ལྷ་ཡི་དབང་གྱུར་ནས།། ལས་གང་འདོད་པ་བྱེད་དུ་གཞུག། ཐམས་ཅད་ཐམས་ཅད་གྲུབ་པར་བྱེད།། ཀུན་ལ་འབྱིན་ཅིང་ཀུན་ལ་ཟ།། ལྷ་ཡི་འཁོར
354b3 རྣམས་ཐམས་ཅད་ཀུན།། མ་ལུས་པར་ནི་ཡང་དག་འདུ།། བྲན་བཞིན་དུ་ནི་ཐམས་ཅད་འབྲང་།། རྒྱལ་པོ་འཕགས་སྐྱེས་བསྒྲུབ་པ་ནི།། བདག་ཉིད་རིན་ཆེན་ཧེ་རུ་ཀ། སྐུ་མདོག་རྒྱུད་ནས་འབྱུང་བ་བཞིན།། ཕྱག་རྒྱ
354b4 རྣམས་ཀྱང་དེ་བཞིན་ཏེ།། འོད་ཀྱི་འཕྲོ་འདུ་བྱིན་བརླབས་ཀྱིས།། འཕགས་སྐྱེས་པོ་ནི་དབང་དུ་བསྡུས། དྷྲྀ་ཏ་དྷྲྀ་ཏ་སྭཱ་ཧ། ཛཿཧཱུཾ་བཾ་ཧོཿ། གྲིཧྞ་གྲྀཧྞ་དུརྠིད་སྭཱ་ཧ། ཧཾ་ཧཾ་ཧཾ། རཏྣ་ཛཿཧཱུཾ་བཾ་ཧོཿཞེས་སྙིང་པོ་ལན་འབུམ
354b5 དུ་བཟླས་ཏེ།། སྲོག་དང་ལྡན་པར་ཏིང་འཛིན་བྱ།། བདག་ཉིད་རཏྣ་ཧེ་རུ་ཀ། འཕགས་སྐྱེས་པོ་ཡི་སྙིང་ག་ནས།། ཛཿཡི་རབ་ཏུ་བཟུང་ནས་ནི།། བདག་གིས་མདུན་དུ་དགུག་པར་བྱ།། རྒྱབ་ནས་རྡོ་རྗེ་ཅན་གྱིས
354b6 ཕུལ།། དེ་ནས་མངོན་སུམ་གྱུར་པ་དང་།། གང་འདོད་ལས་དེ་བྱེད་དུ་གཞུག། མདོག་ནི་གསེར་གྱི་མདོག་ཏུ་འབར།། འཁོར་རྣམས་ཐམས་ཅད་བདག་ལ་བསྡུ།། ཡིད་བཞིན་རིན་ཆེན་གཞལ་ཡས་འགྲུབ།། རྒྱལ་པོ
iiif viewer powered by OpenSeadragon
