| e-texts navigator |
| Wylie |
353b1 ཤིང་འཕྲོ་བར་བསྐོས།། གཞན་ཡང་བྱ་བ་སྣ་ཚོགས་པ་ཅི་འདོད་པར་བསྐོས་ནས།། ཆེད་དུ་བརྗོད་པ་འདི་བརྗོད་དོ།། མཉམ་ཉིད་རིག་པའི་རྡོ་རྗེ་ཡིས།། འཇིག་རྟེན་གཙོ་མཆོག་དབང་དུ་སྡུད།། ཐུགས་རྗེ་ཆེན་པོའི
353b2 བྱིན་བརླབས་ཀྱིས།། འགྲོ་བའི་དོན་རྣམས་སྣ་ཚོགས་བསྟན།། ཐབས་དང་ཤེས་རབ་ལྡན་གྱུར་པས།། ཇི་ལྟར་དམིགས་པ་བཞིན་དུ་འགྲུབ།། འདི་ནི་རང་བྱུང་ལྷ་ཡི་ལྷ།། བྱམས་དང་སྙིང་རྗེ་ལྡན་པར་རོལ།། ཐུགས
353b3 རྗེ་ཆེན་པོ་ཐབས་མཁས་པས།། ཐམས་ཅད་ཀུན་ལ་སྦྱོར་འགྱུར་ཡང་།། བག་ཆགས་སོགས་པར་མི་འགྱུར་ཏེ།། བསོད་ནམས་ཡེ་ཤེས་ཚོགས་འགྱུར་རྫོགས།། ཐབས་མཁས་སྤྱོད་པ་མ་གཏོགས་པར།། གཟུང་འཛིན
353b4 འཁྲུལ་རྟོག་རྡུལ་ཙམ་མེད།། དེ་བཞིན་ཉིད་དང་དབྱེར་མེད་ཕྱིར།། རྟག་ཏུ་རང་བཞིན་འོད་གསལ་གནས།། དེ་ནས་བདག་ཉིད་རྒྱུད་དོན་གོང་ནས་འབྱུང་བ་བཞིན་ལྷ་ཁྲོ་བོ་དང་ཞི་བ་དེ་དག་གང་ལ་གོམས་པར
353b5 བསྒོམ། ཏིང་ངེ་འཛིན་ལས་སུ་རུང་བ་ལྷ་གསལ་བར་གྱུར་པ་དང་། རང་གི་ལྷའི་བཟླས་པ་འབུམ་འབུམ་གདོན་ཏོ།། ལྷ་ཆེན་པོ་ནི་དགུག་པའི་ཕྱིར་ལྕགས་ཀྱུ་ཞགས་པ་སྥོཊ་བཾ། མ་ཧཱ་དེ་བཱ་ཧཱུཾ་ཛཿཛཿཧཱུཾ་བཾ་ཧོཿ། ལྷ་ཡི
353b6 དབང་པོའི་སྙིང་ག་ནས།། ཡང་ནས་ཡང་དུ་རྣམ་པར་དྲང་།། མ་མ་ཏྲག་ཤ་མ་ཧཱ་དེ་བ་གྲྀཧྞ་གྲྀཧྞ་ཧཱུཾ་ཧཱུཾ། ལྷའི་གཟུགས་མདོག་ནི་འཚེར་ལ་དཀར།། ལུས་ནི་རིན་ཆེན་ཀུན་གྱིས་བརྒྱན།། གཙུག་ན་ཡིད་བཞིན་རིན་ཆེན
iiif viewer powered by OpenSeadragon
