| e-texts navigator |
| Wylie |
351b1 འཁོར་ཐམས་ཅད་འགྲུབ་པར་འགྱུར།། དེ་ནས་རིགས་ཀྱི་བུ་དེ་ཡིས།། ཡོ་བྱད་མ་ལུས་ལྡན་བྱས་ནས།། མཆོད་ཡོན་རྣམ་པ་སྣ་ཚོགས་ཀྱིས།། མཉེས་མཆོད་དངོས་གྲུབ་ཐོབ་པར་འགྱུར།། སྒྱུ་འཕྲུལ་དྲ་བ་ལས་ཚེའི་ཆོ
351b2 ག་དབང་དམ་པ་ཤིན་ཏུ་གསང་བའི་ལེའུ་སྟེ་དྲུག་ཅུ་གསུམ་པའོ།། །། དེ་ནས་དེ་བཞིན་གཤེགས་པ་རྡོ་རྗེ་སྡུད་པ་པོས་འགྲོ་བ་ལྔ་དབང་མེད་པར་སྨྲ་ཞེས་བྱ་བར་ཡང་བསྡུས་ནས་ཆེད་དུ་བརྗོད་པ་འདི་བརྗོད
351b3 དོ།། གསང་བའི་དཀྱིལ་འཁོར་ཉིད་ཀྱི་དབྱིངས།། ཀུན་ཏུ་བཟང་པོ་ཐུགས་རྗེའི་ངང་།། སྐུ་གསུང་ཐུགས་ལྡན་ཡོན་ཏན་རྫོགས།། མཉམ་པའི་ཞིང་དུ་སྦྱར་བར་བྱ།། རྡོ་རྗེ་རབ་ཏུ་གསང་བ་ཡིས།། རྡོ་རྗེ་རབ་ཏུ་ཀུན
351b4 སྦྱར་ཏེ།། ཨོཾ་དང་མཱཾ་དུ་འབྱོར་པར་བསྒོམ།། ཐམས་ཅད་དབྱིངས་སུ་ཐིམ་པར་བསྒོམ།། གསང་བའི་དཀྱིལ་འཁོར་དམ་པ་དང་།། ཐིག་ལེ་མནྟ་དེ་དག་ཏུ།། ནརྀ་ཐལ་མནྟ་བཟང་པོའི་ཐིག། རྟ་བབས་སྒོ་ཁྱུད་བཟང་པོ
351b5 དང་།། རྡོ་རྗེ་རྩེ་གཅིག་འོད་འབར་དང་།། འགུགས་པའི་ལྕགས་ཀྱུ་དམ་པ་ཡིས།། རྡོ་རྗེ་རྩེ་གཅིག་རྩེ་གསུམ་བྲི།། དཀྱིལ་འཁོར་རྒྱུ་དང་ལྡན་པར་བྱ།། མཆོད་ཡོན་སྣ་ཚོགས་མཆོད་པར་དབུལ།། ཡཾ། དུད་ཀའི་ཡེ
351b6 ཤེས་འོད་འཕྲོས་ནས།། ཨ་ལས་ཟླ་བའི་དཀྱིལ་འཁོར་དུ།། ཛཿལས་ལྕགས་ཀྱུ་གྲངས་མེད་པས།། དེ་ཡིས་སྙིང་དུ་ཞུགས་པར་བྱ།། མ་ལས་ཉི་མའི་དཀྱིལ་འཁོར་དུ།། ཛཿལས་ལྕགས་ཀྱུ་མང་པོ་ཡིས།། གང་དགུག
iiif viewer powered by OpenSeadragon
