| e-texts navigator |
| Wylie |
350a1 ཁྱབ།། མ་འགགས་བྱང་ཆུབ་སེམས་ནི་སྐྱེ་འཇིག་མེད།། འགྲོ་མེད་འོང་མེད་མི་གནས་པའི།། ཐུགས་རྗེ་བྱིན་བརླབས་རྣམ་པར་འཕྲོ།། ཞེས་ཉིད་ལ་ཉིད་གསུང་ངོ་།། དབྱིངས་ལས་དབྱིངས་བྱུང་ཐབས
350a2 ཀྱི་ཕྱག་རྒྱར་གསལ།། ཐབས་ལས་དབྱིངས་བྱུང་ཡུམ་གྱི་ཕྱག་རྒྱར་གསལ།། དབྱིངས་སུ་དབྱིངས་ཀྱིས་ཡེ་ཤེས་འབྱོར་པས་ན།། བྱང་ཆུབ་སེམས་ཚོགས་དཀྱིལ་འཁོར་བརྗོད་མི་ལང་།། དེ་བཞིན་གཤེགས་པའི
350a3 དཀྱིལ་འཁོར་ངེས་པའི་དོན་མ་ལུས་པར་མཚན་ཉིད་མེད་པའི་ཕྱག་རྒྱར་ཐིམ་པའི་ལེའུ་སྟེ་དྲུག་ཅུ་གཉིས་པའོ།། །། དེ་ནས་དེ་བཞིན་གཤེགས་པས་རྒྱལ་པོ་ཚེ་མཐའ་ཡས་སུ་སྤྲུལ་ནས་ཆེད་དུ་བརྗོད་པ་འདི་བརྗོད
350a4 དོ།། སྒྱུ་འཕྲུལ་དྲ་བ་བསྟན་བསྡུས་ཏེ།། བྷྲཱུཾ་དང་བི་ཤྭའི་དཀྱིལ་འཁོར་དུ།། མ་དང་ཨ་ཡི་དཀྱིལ་འཁོར་ལ།། རྡོ་རྗེ་འཁོར་ལོ་རབ་བསྒོམས་ནས།། བཞི་བཅུ་རྩ་ལྔའི་དོན་བསྒོམས་ཏེ།། དེ་ཡིས་ཕྱོགས་བཅུར་གང་བར
350a5 བསྒོམ།། བྷྲཱུཾ་དང་ཛཿཧཱུཾ་བཾ་ཧོས་དགུག། སྐུ་གསུང་ཐུགས་ཀྱི་སྙིང་པོ་མཆོག། ལུས་ངག་སེམས་ལ་ཐིམ་པར་བྱ།། ནརྀ་ཉིད་དངོས་སམ་ཡིད་བཞིན་མཛོད།། བུམ་པ་མཆོག་ནི་བཟང་པོ་ཡི།། ཚེ་གཞག་གནས་ནི་འདི་ཡིན
350a6 ཏེ།། ཡང་ནས་ཡང་དུ་དགུག་བྱ་སྟེ།། མངོན་སུམ་སྨིན་པར་གྱུར་པ་དང་།། དབྱིངས་སུ་ཡང་ནི་སྦ་བར་བྱ།། རྡོ་རྗེ་གོ་ཆ་བསྲུང་བ་ཡིས།། བརྟན་ཞིང་འཁོར་ལོས་དགག་པར་བྱ།། སྙིང་པོ་འབྲུ་ལྔའི་ནང་དུ
iiif viewer powered by OpenSeadragon
