| e-texts navigator |
| Wylie |
34a1 ནི་སྣང་བར་འགྱུར།། སྟེང་འོག་བརྟེན་པ་ལས་བྱུང་བའི།། ཡེ་ཤེས་བརྟེན་པ་དེ་བཞིན་ཉིད།། སྐུ་དང་གསུང་དང་ཐུགས་འཁོར་ལོ།། ཡོན་ཏན་ཀུན་གྱི་ལས་དང་སྦྱར།། དབྱིབས་དང་ཡི་གེ་རང་བཞིན
34a2 ལས།། ནམ་མཁའ་ལྟ་བུའི་ལྔ་རྫོགས་པ།། ཟག་མེད་ཡོན་ཏན་ལྷུན་རྫོགས་པ།། བྱས་པ་མེད་པར་རྣམ་བཞི་རྫོགས།། རང་བྱུང་འབྲས་བུ་རྟེན་བྲལ་བའི།། ངོ་བོ་དབྱེར་མེད་དེ་བཞིན་ཉིད།། བཞོན་པ་རླུང་གི་སྟོབས
34a3 བྲལ་བས།། ཐིག་ལེ་འགྲོ་འོང་འདུ་འཕྲོ་མེད།། དབང་བསྒྱུར་ཕུང་པོ་འཇིག་མེད་པས།། འབྱུང་བཞི་འདུ་བའི་ཚོགས་དང་བྲལ།། རིག་པ་རླུང་ལ་དབང་བསྐུར་བས།། སྡུག་བསྔལ་ཆུ་བོའི་འཇིགས་དང་བྲལ།། ཡེ
34a4 ཤེས་ཏིང་འཛིན་ལས་ལས་འགྲུབ།། ཤེས་རབ་སྟོབས་སོགས་མཉམ་སྦྱོར་བས།། འཕེལ་འགྲིབ་ཐིག་ལེ་འབྱུང་འཇུག་མེད།། ཚེ་དང་ལུས་དང་བདེ་བ་དང་།། ཡེ་ཤེས་ཟག་མེད་ཟུངས་ལྡན་པས།། མ་ལུས་ཞིང་སོགས
34a5 དག་པ་སྟེ།། བདུད་བཞི་སྐྱེ་སོགས་པར་ཆད་མེད།། འབྱུང་བཞི་དངས་མ་ལ་བརྟེན་པས།། རིག་པའི་བདེ་ཆེན་བར་ཆད་མེད།། རྣམ་རྟོག་འགྱུ་བའི་རླུང་དངས་པས།། བདེ་ཆེན་ནམ་མཁའི་མཐའ་ལྟར་གནས།། ཐ
34a6 མའི་དབང་ལ་རང་སྣང་བས།། ཞིང་ཁམས་རྒྱ་མཚོ་རྡུལ་སྙེད་ཀྱི།། ཐབས་དང་ཤེས་རབ་མཉམ་པར་གནས།། དྲི་ཅན་ཉིད་ལ་དབང་བསྐུར་བས།། ཤེས་བྱའི་དཀྱིལ་འཁོར་ཀུན་སད་དེ།། རྨོངས་པ་སངས་ལྟར་མངོན
iiif viewer powered by OpenSeadragon
