| e-texts navigator |
| Wylie |
349b1 ཤེས་རབ་གཉིས་མེད་མཉམ་པར་གནས།། དག་མཉམ་རྣམ་གསུམ་དོན་རྟོགས་བསྒོམ་བྱས་ཤིང་།། མཉམ་པ་རྣམ་བཞིས་དོན་རྟོགས་མཆོག་གི་གནས།། རྒྱུ་འབྲས་ལྷུན་གྲུབ་ཕུན་སུམ་ཚོགས་བཞིར་འདུས།། ཡེ་ཤེས
349b2 ལྔ་རྫོགས་སྐུ་གསུང་ཐུགས་ཀྱིས་བསྡུས།། ཆགས་མེད་ཞི་བའི་ལམ་ནས་ཐིག་ལེར་འཇུག། ཡེ་ཤེས་ལྔ་རྫོགས་སྤྱོད་ཡུལ་མི་འདའ་ལ།། མ་ཆགས་འོད་གསལ་དཀྱིལ་འཁོར་རྫོགས་པར་ལྡན།། ཐམས་ཅད་མ་ལུས
349b3 རང་རིག་རྒྱལ་པོ་ཡིས།། དཀྱིལ་འཁོར་དག་མཉམ་ཁྲོ་བོ་ཁྲོ་མོར་སྦྱོར།། ཆོས་རྣམས་རང་བཞིན་ཉིད་ཀྱིས་སྟོང་།། ནང་དང་ནང་གི་ཕྱི་རོལ་གྱི།། རྣམ་རྟོག་སྣ་ཚོགས་འཛིན་པ་ཡང་།། དངོས་པོ་མེད་དབྱིངས་སྐད་ཅིག
349b4 མ།། དེ་ཉིད་རྣམ་པར་དག་པའི་ལམ།། ཕྱིན་ཅི་ལོག་ཉིད་ཡང་དག་སྟེ།། མ་རིག་པ་ནི་ཡེ་ཤེས་གསལ།། ཉོན་མོངས་སྡུག་བསྔལ་བྱང་ཆུབ་མཆོག། ཐམས་ཅད་ཡོན་ཏན་མཆོག་གི་གནས།། ཨ་ཧོ།། ཕྱོགས་བཅུའི
349b5 རྒྱལ་བའི་དཀྱིལ་འཁོར་མ་ལུས་ཀུན།། ངེས་པའི་དོན་དགྲོལ་བཞི་བཅུ་རྩ་ལྔར་འདུས།། བསྡུས་པའི་དོན་ཉིད་ཡི་གེ་འབྲུ་ལྔར་བསྡུས།། ལྔ་པོའི་དོན་ཉིད་འབྲུ་གསུམ་ནང་དུ་འདུས།། གསུམ་པོ་དེ་ཉིད་ཡི་གེ་ཨར
349b6 འདུས་ཏེ།། ཨ་ཉིད་མ་སྐྱེས་མཉམ་རྫོགས་དབྱིངས་སུ་ཐིམ།། ཨ་ཧོ།། མི་དམིགས་སྟོང་པ་ཉིད་ཀྱང་བརྗོད་མི་ལང་།། མི་དམིགས་དེ་བཞིན་གཤེགས་ཀྱང་བསམ་མི་ཁྱབ།། མ་སྐྱེས་མཆོག་གི་དབྱིངས་ཀྱང་བསམ་མི
iiif viewer powered by OpenSeadragon
