| e-texts navigator |
| Wylie |
347a1 ཆེན་རྔམ་པོའང་ལྷན་ནེར་འགྱུར།། བདུད་རྩི་ལྔའམ་ཟས་ལྔ་ལ།། གཏུམ་རྔམ་འཁྲུགས་པའི་ངོ་བོར་བརྟག། ལྷན་ནེ་གསལ་བའི་ཕུར་པས་གདབ།། འབར་བ་ལྷན་ནེའི་ཚོགས་ལ་དབུལ།། ཡ་ཡི་ཚོགས
347a2 ཀྱི་དཀྱིལ་འཁོར་དུ།། ལུ་གུ་རྒྱུད་དུ་སྦྲེལ་ནས་བསྡམས།། འབར་བ་ལྷན་ནེར་བྱིན་གྱིས་བརླབས།། ཐམས་ཅད་གཡོ་བ་མེད་པར་འགྱུར།། སླས་དང་བྱི་མོ་བྲན་མོའི་ཚོགས།། ལྷག་མའི་མཆོད་སྦྱིན་འདོད་པ
347a3 སྦྱིན།། གང་གི་དམ་ཚིག་རབ་བསྒྲགས་ནས།། གང་འདོད་ལས་དེ་བྱེད་པར་བསྒོམ།། སྔོན་ཚེ་དཔལ་ཆེན་ཧེ་རུ་ཀ། ཤིན་ཏུ་གདུག་ཅིང་གཏུམ་བག་ཅན།། ཐམས་ཅད་མ་ལུས་འདུལ་མཛད་པའི།། དབང་དང་བྱིན
347a4 བརླབས་རྨད་པོ་ཆེ།། ལྷ་ཆེན་ལ་སོགས་དབང་བསྡུས་ནས།། འཁོར་རྣམས་དབང་ཕྱུག་སླས་སུ་བྱས།། སོ་སོའི་ལས་རྣམས་བསྐོས་པ་དེ།། ཇི་ལྟར་ཁས་བླངས་དམ་བཅས་པའི།། མ་ཐོགས་མྱུར་དུ་མངོན་པར
347a5 ཕྱུང་།། དམ་བཅས་བཞིན་དུ་མ་བྱས་ན།། ཇི་ལྟར་རང་གིས་མནའ་བོར་བའི།། སྡོམ་བཅས་དེ་ལས་འདའ་མ་བྱེད།། དམ་ཚིག་དེ་ལས་འདས་གྱུར་ན།། མགོ་ལུས་སྙིང་ཡང་ཚལ་པ་བདུན།། ཡཀྵ་ཁྲོ་བོས་གཏུབས་པར
347a6 འགྱུར།། དེ་བས་རྣལ་འབྱོར་སྔགས་འཆང་གིས།། ཇི་ལྟར་བཅོལ་བ་བཞིན་དུ་བྱོས།། ལས་དེ་མངོན་དུ་མ་བྱས་ན།། རང་གིས་མནའ་བོར་ཁས་བླངས་བཞིན།། རུལ་མྱགས་ཚིག་ནས་དམྱལ་བར་འགྲོ།། རྣལ་འབྱོར
iiif viewer powered by OpenSeadragon
