| e-texts navigator |
| Wylie |
346a1 དཀྱིལ་འཁོར་བསམ་ཡས་ཏེ།། དཀྱིལ་འཁོར་འཁོར་ལོ་འབར་བ་ཡི།། ཨོཾ་དང་སེང་གེ་མགོས་བསྐོར་ཏེ།། བརྒྱན་པའི་རྡོ་རྗེ་ཕྱག་རྒྱ་ཀུན།། རྫོགས་ལྡན་ཞི་བས་བསྐོར་བར་བྱ།། རྒྱལ་པོ་ལུས་མཛེས
346a2 འཁོར་ལོ་འབར།། རྒྱན་རྣམས་ཞི་ལ་དཀར་བ་དང་།། བྱང་ཆུབ་མཆོག་འབར་ལྷན་ནེར་བསྒོམ།། མཁའ་ལ་རྒྱུ་དང་བར་སྣང་འཕྱོ།། གཞན་ཡང་འགྲོ་དྲུག་མ་ལུས་ཀུན།། ཞིར་འགྱུར་འདི་ལ་ཐེ་ཚོམ་མེད།། གར་དང
346a3 གླུ་ཡིས་མཆོད་བྱས་ཏེ།། ཕྱོགས་བཅུའི་གདུག་པ་མ་ལུས་པ།། གདུག་པའི་ཡིད་ནི་རྣམ་བོར་ནས།། ལྷ་དཀར་པོ་ཡི་འོད་དུ་འགྱུར།། བདེ་ལྡན་བྱང་ཆུབ་འོད་འཕྲོ་འབར།། གཏི་མུག་རྡོ་རྗེ་འཁོར་བཅས་པས།། འཇིག
346a4 རྟེན་ཁམས་ནི་རབ་འབྱམ་ཀུན།། སྐད་ཅིག་ཡུད་ལ་ཞི་མཛད་དེ།། ཞི་བར་མ་གྱུར་གང་ཡང་མེད།། སྒྱུ་འཕྲུལ་དྲ་བ་ལས་ཐམས་ཅད་མ་ལུས་པར་ཞི་བར་གྱུར་ནས་ཞི་བའི་ཧོམ་གྱི་ལེའུ་སྟེ་ལྔ་བཅུ་དགུ
346a5 པའོ།། །། དེ་ནས་དེ་བཞིན་གཤེགས་པ་བཅོམ་ལྡན་འདས་དགྱེས་པ་ཆེན་པོས་ལྷུན་གྱིས་གྲུབ་པའི་དམ་ཚིག་བྱིན་གྱིས་རློབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ཆེད་དུ་བརྗོད་པ་འདི་བརྗོད
346a6 དོ།། ཨེ་ཡི་ཚོགས་ཀྱི་དཀྱིལ་འཁོར་མཆོག། འབར་བ་གཏུམ་ཆེན་རྔམ་པ་ལ།། ཁྲོས་པའི་ཡིད་ཀྱིས་མཆོད་སྦྱིན་བྱ།། སངས་རྒྱས་བསོད་ནམས་སྐུ་ཡང་འཇིག། བདུད་རྩི་ལྔའམ་ཟས་ལྔ་ལ།། མཚན་མ་མིང་དུ་བཅས
iiif viewer powered by OpenSeadragon
