| e-texts navigator |
| Wylie |
345a1 དབུས་འོད་འབར།། དཀྱིལ་འཁོར་ཞགས་པ་རིན་ཆེན་བསྐོར།། གཞན་ཡང་ཕྱག་རྒྱ་སྣ་ཚོགས་དང་།། ཁྲོ་བོ་ཀུན་ཀྱང་དགའ་འཕྲོ་སྟེ།། འོད་ཆེན་དཀར་པོ་འབར་བ་དང་།། ཕྱག་རྒྱ་སྣ་ཚོགས་ཅིར་ཡང
345a2 སྦྱར།། ལྷ་དང་ལྷ་མོ་རྣམས་ཀྱིས་བསྐོར།། མཆོད་པའི་ཡོ་བྱད་སྣ་ཚོགས་དང་།། དཀར་ལ་དྲི་ཞིམ་ཤིང་རྣམས་དང་། གཞན་ཡང་མཆོད་ཡོན་ཐམས་ཅད་ཀྱིས།། དཀྱིལ་འཁོར་ལ་ནི་རྒྱས་པར་དབུལ།། བདག་ཉིད
345a3 རིན་ཆེན་རབ་འབར་ནས།། ཏཱཾ། དཀར་ལ་ཡི་གེ་འོད་དུ་འབར།། ཁྲོ་བོ་ཀུན་ཀྱང་དེ་བཞིན་ཏེ།། མངོན་དུ་གྱུར་པའི་དཀྱིལ་འཁོར་དུ།། པཱ་ཤ་ཧོཿདང་ཛཿཧཱུཾ་གིས།། ཕྱོགས་བཅུའི་ལམ་ལྔ་ཀུན་བཀུག་སྟེ།། དབྱིངས
345a4 སུ་ཐིམ་པར་འོད་འཕྲོ་བསྒོམ།། ཐམས་ཅད་སངས་རྒྱས་ཞིང་དང་མཉམ།། གཞན་ནས་ཡོད་པའང་མ་ཡིན་ཏེ།། སྒྱུ་མའི་ཡེ་ཤེས་བརྟན་པ་ཡིན།། གཞན་ཡང་དཀྱིལ་འཁོར་བསམ་ཡས་ནི།། རིན་ཆེན་དབྱིངས་ལ་རྡོ་རྗེ
345a5 འབར།། དཀྱིལ་འཁོར་རྒྱན་གྱིས་འཁོར་བར་བསྐོར།། གཞན་ཡང་ལྷ་དང་ལྷ་མོ་ཡིས།། ཕྱོགས་བཅུ་ཁྱབ་པར་མཆོད་ཅིང་དབུལ།། ཡོན་ཏན་རྒྱལ་བའི་ཞིང་དང་མཉམ།། ཏཱཾ། གླུ་དང་གར་གྱིས་མཆོད་པར
345a6 བྱ།། སངས་རྒྱས་ཞིང་ཁམས་མ་ལུས་ཀུན།། མཆོད་ཡོན་རིན་ཆེན་དཔལ་འཕེལ་གྱིས།། ཕྱོགས་བཅུ་གང་བར་རྒྱས་ཕུལ་ནས།། རྡོ་རྗེ་དབྱིངས་ཀྱིས་རྒྱས་པར་རོལ།། ཧོཿཏྲཱཾ། ང་རྒྱལ་རྡོ་རྗེ་འཁོར་བཅས་པས།། འཇིག
iiif viewer powered by OpenSeadragon
