| e-texts navigator |
| Wylie |
344b1 གོང་དུ་སྨོས་པ་བཞིན།། རྟག་ཏུ་མཆོད་པ་བྱས་ན་ནི།། འཇིག་རྟེན་འདི་དང་འདས་པ་ཡི།། ཅི་འདོད་ལས་དེ་གྲུབ་པར་འགྱུར།། སྔགས་ནི་ཡི་གེ་རཾ་དང་ཧྲཱིཿ། མདོག་ནི་དམར་སྨུག་འོད་པོ་ཆེ།། ཕྱོགས་བཅུ་ཁྱབ་ཅིང་ཧྲི
344b2 ལ་བསྡུ།། དགྱེས་པའི་གླུ་དང་གར་གྱིས་མཆོད།། ཧྲཱིཿ། རྡོ་རྗེ་པདྨ་འབར་བ་ཡིས།། ཕྱོགས་བཅུ་མཐའ་ཀླས་རབ་འབྱམ་ཀུན།། དཔལ་དང་གཟི་བྱིན་ཚེ་ལ་སོགས།། པདྨ་འབར་བ་དེ་བསྡུས་ནས།། སངས་རྒྱས་སྐུ་དང
344b3 མཉམ་པ་དང་།། གཞན་ཡང་ལོངས་སྤྱོད་མཆོག་ལ་སོགས།། ཅི་འདོད་ལས་རྣམས་དབང་དུ་འགྱུར།། ལྷ་སྲིན་ལ་སོགས་སྨོས་ཅི་དགོས།། ཧྲཱིཿ། འདོད་ཆགས་རྡོ་རྗེ་འཁོར་བཅས་པས།། འཇིག་རྟེན་ཁམས་ནི་རབ
344b4 འབྱམ་ཀུན།། སྐད་ཅིག་ཡུད་ལ་དབང་དུ་བསྡུས།། དབང་དུ་མ་གྱུར་གང་ཡང་མེད།། ཧྲཱིཿ། སྒྱུ་འཕྲུལ་དྲ་བ་ལས་ཐམས་ཅད་མ་ལུས་པར་དབང་དུ་བསྡུས་ཏེ། དབང་གི་ཧོམ་གྱི་ལེའུ་སྟེ་ལྔ་བཅུ་བདུན་པའོ།། །། དེ
344b5 ནས་དེ་བཞིན་གཤེགས་པ་ཁྲོ་བོའི་རྒྱལ་པོ་རྣམ་པར་འཕྲོ་བ་ཞེས་བྱ་བའི་དཀྱིལ་འཁོར་འདི་དག་ཉིད་ཀྱི་དབྱིངས་ནས་ཕྱུང་ནས་ཆེད་དུ་བརྗོད་པ་འདི་བརྗོད་དོ།། བདེ་བ་ཆེན་པོའི་དཀྱིལ་འཁོར་འབར།། འོད་ཟེར
344b6 འཕྲོ་བ་མང་པོ་འཁྲུག། བསོད་ནམས་ཞིང་འགྱུར་མཆོག་ཏུ་འབར།། ཕྱོགས་བཅུ་ནམ་མཁའ་གང་བར་བསྒོམ།། རྡོ་རྗེ་རིན་པོ་ཆེ་ཡིས་བསྐོར།། རྒྱལ་བའི་ཡོན་ཏན་མཁའ་དང་མཉམ།། ཏྲཱཾ། ཡེ་ཤེས་ཕྱོགས་བཞི
iiif viewer powered by OpenSeadragon
