| e-texts navigator |
| Wylie |
343b1 བསམ་ཡས་ཀྱི།། ཧཱུཾ། ཞལ་གདངས་སྤྱན་བགྲད་ཁྲོ་ཞལ་བསྒོམ།། རྡོ་རྗེ་གཏན་པ་གདེངས་པ་དང་།། ཐོད་པ་ལྕགས་ཀྱུ་རྣམས་ཀྱིས་བསྐོར།། ཧཱུཾ་སྒྲ་དྲག་པོའི་ཚོགས་ཀྱིས་འབར།། འཛིན་པའི་ཕྱག་རྒྱས་བཀུག་ནས
343b2 ཞལ་དུ་བསྟིམས་ན་ལྷག་པར་འགྲུབ།། རྡུལ་ཆ་ཙམ་ཡང་མེད་པར་བྱེད།། འཁོར་གྱི་ཚོགས་ཀྱང་སྔ་མ་བཞིན།། བསྐང་བའི་ཚུལ་དུ་སྐྲོད་གཏོང་བྱ།། ཧཱུཾ། གཏུམ་པོ་དམར་པོ་མཆུ་རིངས་པོ།། འབར་བ་རྡོ་རྗེ་ཕྲེང
343b3 བས་བསྐོར།། འོད་ཆེན་འབར་བ་འཕྲོ་བ་ཡིས།། འཇིག་རྟེན་ཁམས་རྣམས་དུས་གཅིག་བརྔུབས།། ཧཱུཾ།། ཁྲོ་བོའི་ཚོགས་ཀྱིས་སྔགས་རྣམས་དང་།། གནས་དང་ཡུལ་གྱི་ཕྱག་རྒྱ་དང་།། སླས་དང་བྱི་མོ་བྲན་མོའི
343b4 ཚོགས།། སོ་སོའི་རང་སྔགས་རྫོགས་པར་འདོན།། ཧ་ཧེ་བྷྱོ། གཞན་ཡང་བསྟོད་ཚིག་འདི་དག་གིས།། ཧཱུཾ་རྡོ་རྗེ་ཐུགས་རྗེ་བྱིན་བརླབས་ཀྱིས།། འཇིག་རྟེན་ཁམས་ནི་ཀུན་བཀང་སྟེ།། གཏུམ་འཁྲུག་མ་ལུས་ཐམས་ཅད
343b5 ཀུན།། རྡོ་རྗེ་མཐུ་ཡིས་བཏུལ་བར་གྱུར།། ཧཱུཾ་རྡོ་རྗེ་ཞེ་སྡང་འཁོར་བཅས་པས།། འཇིག་རྟེན་ཁམས་ནི་རབ་འབྱམ་ཀུན།། སྐད་ཅིག་ཡུད་ལ་རླག་མཛད་དེ།། བརླག་པར་མ་གྱུར་གང་ཡང་མེད།། སྒྱུ་འཕྲུལ་དྲ་བ་ལས
343b6 དྲག་པོ་ཧོམ་གྱི་ལེའུ་སྟེ་ལྔ་བཅུ་དྲུག་པའོ།། །། དེ་ནས་དེ་བཞིན་གཤེགས་པ་ཁྲོ་བོའི་རྒྱལ་པོ་པདྨ་སྡུད་པ་ཞེས་བྱ་བས། འགྲོ་བ་མང་པོའི་དོན་གྱི་ཕྱིར་ཆེད་དུ་བརྗོད་པ་འདི་བརྗོད་དོ།། ཤེས་རབ་ཐབས་སུ་སྦྱོར་བ
iiif viewer powered by OpenSeadragon
