| e-texts navigator |
| Wylie |
342b1 བསྡུ་ཞིང་ཕཊ་ཀྱིས་འཕང་།། ཞལ་གྱིས་རང་སྔགས་ཁྲི་འབུམ་དུ།། རྣམ་གསུམ་ཚུལ་གྱིས་བཟླས་ནས་སུ།། ཡང་ནས་ཡང་དུ་གསོལ་བར་བྱ།། འགྲོ་ལྔ་སེམས་ཅན་ཐམས་ཅད་ཀུན།། དབང་མེད་ཞལ་དུ་ཐིམ་པར
342b2 འགྱུར།། ཡ་མ་ཡ་ཡང་ལྷག་པར་མཛེས།། སྐུ་མདོག་དུད་ཀ་ལ་སོགས་དང་།། མཆེ་གཙིགས་ཁྲོ་གཉེར་གཙིགས་པ་དང་།། ཞལ་བགྲད་ཕྱག་རྒྱ་འབར་བ་དང་།། གང་ལ་སོགས་པ་བསྒོམ་པར་བྱ།། བདག་ཉིད་འཛིན
342b3 པའི་ཕྱག་རྒྱ་སྟེ།། མཚན་མ་བཟུང་ནས་རང་སྔགས་དོན།། མངོན་པར་དབང་པོས་བལྟར་ཡོད་པར།། རིལ་བུ་བསྡུས་ནས་དབྱིངས་སུ་མཆོད།། ཐེ་ཚོམ་མེད་པར་འགྲུབ་པར་ངེས།། དམ་པའི་ཆོས་འཇིག་མ་རུངས
342b4 པ།། དཔའ་བོས་དགོས་པ་ཡོད་པའི་ཕྱིར།། ཀུན་ལ་ཕན་པ་དེ་གྱིས་ཤིག། ཧོཿཧཱུཾ་ཛཿདང་ཕཊ་དང་སྤོ་ལ་སོགས།། འདྲེན་པའི་མཆོག་ཏུ་དེས་གསུངས་སོ།། མཚན་མ་མིང་དུ་བསྡུས་པ་ཡང་།། ཇི་ལྟར་སྔོན་གྱི་དེ་བཞིན
342b5 དུ།། སྨོན་པ་བྱང་ཆུབ་ལམ་དུ་གཞུག། མཚན་མའི་བག་ཆགས་མེད་པར་བྱ།། དབྱིངས་ནས་སྤྲོ་ཞིང་ཨ་ལ་བསྟིམ།། ཨ་ཧོ།། ཐུགས་ཉིད་ལ་ནི་ཐུགས་བརྗོད་དོ།། སྒྱུ་འཕྲུལ་དྲ་བ་ལས་ཤིན་ཏུ་གསང་བའི་ཁྲོ་བོ་ཉེ་བར
342b6 བསྟན་པའི་ལེའུ་སྟེ་ལྔ་བཅུ་ལྔ་པའོ།། །། དེ་ནས་དེ་བཞིན་གཤེགས་པ་ཁྲོ་བོའི་རྒྱལ་པོ་ལས་ཐམས་ཅད་རྡོ་རྗེར་བསྡུས་ནས་ཆེད་དུ་བརྗོད་པ་འདི་བརྗོད་དོ།། དག་པ་རྣམ་གསུམ་ཚུལ་བསྒོམས་ཤིང་།། སྒྱུ་འཕྲུལ་དྲ།
iiif viewer powered by OpenSeadragon
