| e-texts navigator |
| Wylie |
341a1 ཆེ།། ཧཱུཾ། འགྲོ་བ་སྣ་ཚོགས་དོན་བྱེད་པ།། འདི་ནི་བྱང་ཆུབ་མཆོག་ཏུ་གསུངས།། ཧོ། བཞི་པོ་འཇོམས་ཤིང་ངན་སོང་སྦྱོང་།། ཏཱཾ་ཏ། སྨན་བཅུད་ལེན་གྱིས་དུག་སྦྱོང་བཞིན།། ཕྱི་དང་ནང་གི་དྲི་མ
341a2 དག། བདག་མེད་གཉིས་ཀྱིས་དག་པར་བྱེད།། ཧྲི། གསལ་ཞིང་གཞག་པར་བྱ་བ་མེད།། ཉི་མ་ཤར་བའི་འོད་བཞིན་དུ།། སྣང་དང་མི་སྣང་གཉི་ག་མེད།། དེ་བཞིན་མཉམ་གཉིས་ཡེ་ཤེས་ཀྱིས།། ཐམས་ཅད་རྒྱལ
341a3 བའི་ཞིང་དུ་སྦྱོར།། ཨོཾ། རང་རིག་ཡེ་ཤེས་རྒྱལ་པོ་ཡིས།། ཕྱོགས་བཅུ་ཁམས་རྣམས་དབང་བསྡུས་ནས།། ཐམས་ཅད་མི་དམིགས་དབྱིངས་སུ་ཐིམ།། ཐམས་ཅད་ཁྲོ་བོའི་ཚོགས་སུ་འགྱུར།། རྟོག་པ་རྣམ་བཞི་མི
341a4 དམིགས་དབྱིངས་གྱུར་པ།། ཤེས་རབ་ཡུམ་གྱི་མཚན་ཉིད་དབྱིངས་སུ་ཐིམ།། ཐབས་དང་ཤེས་རབ་གཉིས་མེད་དབྱིངས་གྱུར་པས།། ཆོས་རྣམས་ཐམས་ཅད་དབྱིངས་ཀྱི་ཁྲོ་བོ་ཁྲོ་མོར་འགྱུར།། ཨ་ཧོ་རྡོ་རྗེ་གསང་བའི
341a5 ཚིག་ཏུའོ།། གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ཆོས་ཐམས་ཅད་ཁྲོ་བོ་དང་ཁྲོ་མོའི་རང་བཞིན་དུ་གྱུར་པ་དང་། རང་རིག་པའི་ཡེ་ཤེས་ཀྱི་མེས་སྦྱོང་པའི་ལེའུ་སྟེ་ལྔ་བཅུ་གསུམ་པའོ།། །། དེ་ནས་དེ
341a6 བཞིན་གཤེགས་པ་ཐམས་ཅད་མ་ལུས་པ་ཐམས་ཅད་ཀྱི་རྒྱལ་པོའི་འབར་བའི་ཐུགས་རྗེས་གཏུམ་འཁྲུགས་གིང་ཚོགས་ཆེན་པོར་བསྒྱུར་ནས། ཐམས་ཅད་འོད་དཔུང་འཕྲོ་ཞིང་འབར་བར་བསྟན་པ་ཆེད་དུ་བརྗོད་པ
iiif viewer powered by OpenSeadragon
