| e-texts navigator |
| Wylie |
340b1 རྗེ་ཐེག་མཆོག་མང་པོ་ཀུན།། ཉིད་ལས་གཡོས་ཤིང་སྤྲོས་མེད་ཀྱང་།། རང་རིག་འཁྲུལ་པའི་རྟོག་པ་ཡིས།། ལྟ་བ་མཐོ་དམན་བསམ་མི་ཁྱབ།། དེ་འདུལ་དོན་ཕྱིར་འཚམ་པར་བསྟན།། ཡང་དག་ཉིད་དང་ལོག་རྟོགས
340b2 གཉིས།། ངོ་བོ་ཉིད་ཀྱིས་གནས་གྱུར་ནས།། དེ་ལ་བཅོས་ཤིང་བསྒྱུར་དུ་མེད།། ཡེ་ནས་ངོ་བོ་ཉིད་མེད་ན།། ཉོན་མོངས་སྤངས་ཤིང་དོན་བསྒྲུབ་མེད།། ཐམས་ཅད་མ་ལུས་རོ་གཅིག་འགྱུར།། ཀུན་རྫོབ་ཆུ་ཟླ་ལྟར
340b3 ཡིན་པས།། ཅིར་ཡང་འགྱུར་ཞིང་ཅིར་ཡང་འགྲུབ།། རྣལ་འབྱོར་དེ་ཉིད་རྟོགས་པ་ཡིས།། དོན་དམ་སྐྱེ་འགག་མེད་པ་སྟེ།། ཀུན་རྫོབ་སྒྱུ་མ་ཅིར་ཡང་འགྲུབ།། ཅེས་རྡོ་རྗེ་གསང་བའི་ཚིག་ཏུའོ།། སྒྱུ་འཕྲུལ་དྲ་བ་ལས
340b4 དམ་ཚིག་སུམ་བརྒྱ་དྲུག་བཅུ་པའི་རྩ་བ་བཅོ་ལྔ་པ་མདོར་བཤད་པའི་ལེའུ་སྟེ་ལྔ་བཅུ་གཉིས་པའོ།། །། དེ་ནས་བཅོམ་ལྡན་འདས་དེ་བཞིན་གཤེགས་པས། ཐུགས་རྡོ་རྗེ་རོལ་པའི་ཏིང་ངེ་འཛིན་ལ་སྙོམས་པར
340b5 ཞུགས་ནས། ཆེད་དུ་བརྗོད་པ་འདི་བརྗོད་དོ།། ནམ་མཁའི་མཁའ་དཀྱིལ་དང་བ་ཡི།། ཡིད་བཞིན་སྤྲིན་ཚོགས་རྣམ་པ་འབྱུང་།། སྣ་ཚོགས་འབྱུང་ཞིང་འོད་འཕྲོ་འབར།། རཾ། སྲིད་གསུམ་སྲེག་པའི་མེ་ཡིན་ཏེ།། ཡིད
340b6 ཀྱི་ཡེ་ཤེས་མེ་རུ་འབར།། ཧཾ། དབང་པོ་དང་བའི་དཀྱིལ་འཁོར་དུ།། སྤྱོད་ཡུལ་རྫས་རྣམས་བསྡུས་ནས་ནི།། ལྷན་ནེ་ལྷང་ངེར་འོད་དུ་ཞི།། ཨ། ཞི་འགྱུར་དབྱིངས་ནས་ཕྱག་རྒྱ་འབར།། ཐུགས་རྗེ་བྱིན་བརླབས་རྨད་པོ
iiif viewer powered by OpenSeadragon
