| e-texts navigator |
| Wylie |
33b1 ཀུན།། དབྱེར་མེད་རྡོ་རྗེ་ཉིད་སྣང་བས།། ཕྱོགས་མེད་བྱིན་རླབས་གཉེན་པོ་བྲལ།། དུས་གསུམ་འདུ་འབྲལ་མེད་པར་བཞུགས།། མི་ཕྱེད་རྡོ་རྗེའི་རང་བཞིན་ལ།། བརྗོད་བྱའི་རང་བཞིན་ལྷུན་རྫོགས་པས།། དབྱེར
33b2 མེད་ངོ་བོ་ཀུན་སྣང་བས།། མི་ཕྱེད་གསུང་ནི་ཀུན་གྱི་མཆོག། ཚིག་དང་ཡི་གེ་ཀུན་བྲལ་བས།། མ་བརྗོད་དགོངས་པ་བརྡས་བསྟན་པས།། མཉམ་པ་ཆེན་པོའི་ཚུལ་དུ་སྟོན།། རང་བྱུང་ཡེ་ཤེས་བྱིན་རླབས་ནི།། གཅིག
33b3 དང་དུ་མ་ལས་འདས་པའི།། ནམ་མཁའི་དབྱིངས་ལྟར་གནས་པ་ཡི།། དགོངས་པ་ཆེན་པོར་བརྡལ་བ་ཉིད།། རང་རིག་སྐྱེ་བ་མེད་པ་ལས།། ཇི་སྙེད་ཆོས་སྐུ་རང་སྣང་བ།། མཐའ་དབུས་སྤྲོས་པ་བཅད་པ་ཡི།། དེ
33b4 བཞིན་ཉིད་ཀྱིས་གསུངས་པ་མེད།། ཐུགས་རྗེ་བྱིན་བརླབས་རང་སྣང་བ།། སྒྲ་དང་དབྱིབས་ལ་སོགས་པ་རྣམས།། མཚོན་པ་ཐབས་ནི་དཔག་མེད་དུ།། ཐུགས་རྗེ་བྱིན་རླབས་སྣང་བར་འགྱུར།། སངས་རྒྱས་ཀུན་གྱི
33b5 ཡོན་ཏན་མཆོག། སྐུ་དང་གསུང་ཐུགས་ཡོན་ཏན་ལས།། རྒྱལ་བ་རིགས་ལྔ་སྣང་མཛད་དེ།། རེ་རེ་ཞིང་ཁམས་གདན་སོགས་སྣང་།། རང་བྱུང་དམིགས་མེད་བྱང་ཆུབ་སེམས།། སངས་རྒྱས་ཀུན་གྱི་ཐུགས་ཆེན
33b6 པོ།། རྣམ་དག་དྲི་མེད་འོད་གསལ་བས།། མཁྱེན་པའི་ཡེ་ཤེས་བཞིར་གསལ་ནས།། ཐམས་ཅད་གདོད་ནས་དབྱེར་མེད་པས།། གང་དག་དེ་ལྟར་མཁྱེན་པ་ཡིས།། བདག་གཞན་བྱ་བྱེད་མེད་པ་ཡིས།། ཕྲིན་ལས་ལྔར
iiif viewer powered by OpenSeadragon
