| e-texts navigator |
| Wylie |
33a1 བའི།། སྒྱུ་འཕྲུལ་རྒྱ་མཚོའི་རྒྱུད་ཆེན་འདི།། མོས་དང་མཐོང་དང་བྲིས་པ་དང་།། བཀླགས་པ་ཙམ་གྱིས་འགྲུབ་འགྱུར་ན།། རྟོགས་དང་གོམས་པའི་སྦྱོར་བ་ཡིས།། འབྲས་བུ་ཐོབ་པར་སྨོས་ཅི
33a2 དགོས།། རང་བྱུང་དཀྱིལ་འཁོར་ཀུན་འདུས་པའི།། རྒྱུད་ཆེན་སྒྱུ་འཕྲུལ་དྲ་བ་སྟེ།། རྒྱུད་ཀུན་གྱི་ནི་བདག་པོ་མཆོག། སྙིང་པོ་ལས་ནི་སྙིང་པོ་མཆོག། ཅེས་ཉིད་ལ་ཉིད་བཤད་དོ།། སྒྱུ་འཕྲུལ་རྒྱ་མཚོའི་རྒྱུད་ལས།།
33a3 གསང་བའི་དོན་བསྟན་པའི་ལེའུ་སྟེ་བཅུ་གསུམ་པའོ།། །། དེ་ནས་བཅོམ་ལྡན་དགྱེས་པ་ཆེན་པོ།། རང་བཞིན་ལྷུན་གྱིས་གྲུབ་པ་དེས།། གདུལ་བྱའི་བསམ་པ་སྣ་ཚོགས་ཕྱིར།། འབྲས་བུའི་ཆོ་འཕྲུལ་སྣང་བར
33a4 མཛད།། ཇི་སྙེད་རང་བྱུང་དཀྱིལ་འཁོར་རྣམས།། བྱ་བྱེད་མེད་པ་རང་སྣང་བས།། ཐིག་ལེ་ཆེན་པོར་ལྷུན་རྫོགས་པའི།། བདག་གཞན་དབྱེར་མེད་དེ་བཞིན་ཉིད།། ཕྱོགས་བཅུ་རྒྱ་ཡང་མ་ཆད་པའི།། བདེ་ཆེན
33a5 ལོངས་སྤྱོད་དཔག་ཏུ་མེད།། ཞིང་ཁམས་འཁོར་དང་ཆེ་བ་ཉིད།། རང་སྣང་འཁོར་ལོ་རང་སྣང་ཉིད།། མ་ལུས་རང་སྣང་སྐུ་ཡི་ཚོགས།། བསམ་ཡས་རྡུལ་དང་ཏིལ་གང་བཞིན།། གང་མོས་བློ་ལ་སྣང་བྱེད་པ།། གདུལ
33a6 བྱ་མོས་པའི་དོན་དུ་ཟད།། གང་དུ་མ་བཅོས་དེ་བཞིན་ཉིད།། རང་གི་ངོ་བོ་གསལ་འགྱུར་པ།། ཀུན་གྱི་རང་བཞིན་རྐྱེན་བྲལ་བ།། སྔ་ཕྱི་མེད་པར་ཀུན་མཁྱེན་མཆོག། དུས་གསུམ་ཕྱོགས་བཅུ་མཐའ་ཡས
iiif viewer powered by OpenSeadragon
