| e-texts navigator |
| Wylie |
339b1 རྒྱུན་མི་གཅད།། ཡང་དག་ལམ་དུ་ཞུགས་ལ་བྱམས།། གསང་བའི་དོན་ཕྱིར་སྒྲ་མི་བྱ།། འདི་ནི་རྩ་བ་ལྔ་རྣམས་ཏེ།། བསྒྲུབ་དང་བསྲུང་བའི་དམ་ཚིག་མཆོག། གཏི་མུག་ཆགས་དང་ཞེ་སྡང་དང་།། ང་རྒྱལ་ཕྲག་དོག་མི
339b2 སྤང་ངོ་།། དཀར་རྩི་དམར་རྩི་དྲི་ཤ་ཆེན།། དག་པའི་སྣོད་དུ་མི་དོར་རོ།། ཡན་ལག་བཅུ་ཡི་དམ་ཚིག་མཆོག། ཡེ་ནས་དག་མཉམ་རྟོག་པས་སྤྱད།། བསྲུང་ཞིང་བསྒྲུབ་པའི་དམ་ཚིག་ལྔ།། རྩ་བ་ཡིན་ཏེ་རིགས་མེད
339b3 འགྱུར།། མི་སྤང་མི་དོར་ལྔ་གཉིས་ནི།། ཡན་ལག་དམ་ཚིག་འདའ་དཀའ་བའོ།། མཉམ་ལ་མཉམ་པར་སྦྱོར་བ་ཡི།། མཉམ་པའི་དམ་ཚིག་ལ་གནས་ན།། མཉམ་རྫོགས་ཆེན་པོ་ཐོབ་པར་འགྱུར།། འདས་ན་སངས
339b4 རྒྱས་མ་ཡིན་ནོ།། རྩ་བ་ཉམས་པའི་ཕྱལ་པ་དག། གསོ་ལ་ཉེ་བར་མི་བརྩོན་དང་།། སྐད་ཅིག་ཡུད་ཙམ་སྨྲ་མ་བྱེད།། ཉམས་འགྱུར་ཉེས་པ་བརྗོད་མི་ལང་།། རྩ་བའི་དམ་ཚིག་ཉམས་གྱུར་ན།། བསྒྲུབ་པ་ཐམས་ཅད
339b5 ལོག་པར་འགྱུར།། ཡིད་དུ་མི་འོང་སྣ་ཚོགས་པའི།། འབྲས་བུ་མི་འདོད་བཞིན་དུ་འདུ།། ཡན་ལག་དམ་ཚིག་ཉམས་གྱུར་ན།། འབྲས་བུ་མེད་ཅིང་ངན་འགྲོར་ལྟུང་།། དམ་ཚིག་རྣམས་ནི་རྡོ་རྗེ་ཆེ།། སངས་རྒྱས་ཀུན་གྱི
339b6 བདག་ཉིད་ཡིན།། རྩ་བའི་དམ་ཚིག་ལྔ་ལ་ནི།། གཅིག་ལའང་གཉིས་དང་བཅུ་ཕྲག་གསུམ།། ཡན་ལག་དམ་ཚིག་ལྔ་གཉིས་ལ།། གཅིག་ལ་བཅུ་ཕྲག་གཉིས་སུ་དབྱེ།། དམ་ཚིག་འདི་ནི་རྨད་པོ་ཆེ།། འཇིག་རྟེན་དྲུག
iiif viewer powered by OpenSeadragon
