| e-texts navigator |
| Wylie |
338a1 ཕྲག་དོག་སྒྲོ་སྐུར་ཅན།། གཉིད་ཆེ་ཆང་དད་བརྩོན་གྲུས་ཆུང་།། སློབ་ལ་མི་གུས་ནན་ཏན་མེད།། སློབ་དཔོན་མི་དྲན་སྤུན་སེམས་ཆུང་།། གལ་ཏེ་དམ་ལ་གནས་ན་ཡང་།། ང་ཡི་གསང་བ་འཛིན་པ
338a2 ལ།། མངོན་དུ་དགའ་བར་མི་ནུས་ཏེ།། ལྟ་ཞན་བཀའ་ལས་འདས་པ་དང་།། གྲོལ་བ་དཀའ་ཞིང་ནུས་མཐུ་ཞན།། མུན་དང་ལྐོག་དང་སྐྱེ་བོ་ལ།། གར་དང་ཕྲེང་བར་འདོད་སྤྱོད་ཅིང་།། འདོད་ཆགས་འགའ་ལམ་དེ
338a3 དག་ལ།། ཚིག་རྣམས་གསང་བ་སྨྲ་བྱེད་པ།། དངོས་ཀྱི་དོན་དང་མཐུན་པ་ལས།། གསང་བའི་སྙིང་པོ་སྦྱིན་མི་བྱ།། བསྐལ་པའི་འཇིག་རྟེན་བར་དུ་ཡང་།། ཐུགས་ཀྱི་བདེ་བ་མི་སྤྲོ་ཞིང་།། ནམས་ཀྱང་བསྟན་པར་མི
338a4 བྱའོ།། འཇིག་རྟེན་འདོད་པ་དགའ་རྣམས་ཕྱིར།། གལ་ཏེ་རྨོངས་པས་བྱིན་པ་ནི།། རིམས་དང་ནད་ཀྱིས་སྲོག་བཅད་དེ།། རྩ་བ་ཡན་ལག་སྤངས་པ་ཡིན།། བསྲེགས་དང་སྦུབས་པར་ཡུན་རིང་གནས།། ཞེས་བརྗོད
338a5 པས་སྲིད་པ་མཐའ་དག་གི་བུད་མེད་ཀྱི་ཚོགས་རྣམས་དམ་ཚིག་འདིས་འདུལ་བར་གྱུར་ཏེ།། དེ་ནས་བཅོམ་ལྡན་འདས་དགྱེས་པ་ཆེན་པོ་སྐུ་གསུང་ཐུགས་དང་ཡོན་ཏན་ཕྲིན་ལས་རྡོ་རྗེ་ལས་རྡོ་རྗེ་གསང་བའི་ཚིག་འདི
338a6 ཕྱུང་ངོ་།། ཨེ་ཨེ་མ།། ཨེ་མའོ་ཆོས་རྣམས་སྒྱུ་མ་ཡི།། ངང་ཉིད་བུད་མེད་གསང་བ་སྔགས་པ་ཡི།། ལྔ་དྲུག་དུས་བཏབ་སྣང་སྲིད་འབྱུང་བའི་གཏེར།། ཡང་དག་ལམ་རྙེད་མངོན་པར་ཀུན་གནས་ཀུན་ཏུ་གནས།། ཆོས
iiif viewer powered by OpenSeadragon
