| e-texts navigator |
| Wylie |
336a1 རབ་བརྟན།། ང་རྒྱལ་འདུལ་བ་ང་རྒྱལ་ཀུན་གྱི་གཙོ།། འཇིགས་ཚོགས་སད་ནས་རོ་ཚོགས་མང་གི་གནས།། ཞབས་བགྲད་མཆེ་གཙིགས་ཆོག་པའི་དུས་མཐའ་མེད།། འཇིགས་པས་ཕེབས་པར་དགའ
336a2 ཞིང་ཤིན་ཏུ་སྡང་།། ཕྲག་དོག་འདུལ་བ་ཕྲག་དོག་ཀུན་གྱི་གཙོ།། ཕྲག་དོག་ཆེ་མཆོག་ཕྲག་དོག་ཆེན་པོའི་སྐུ།། བུད་མེད་ཀུན་བསྡུས་དཀྱིལ་འཁོར་དབུས་གནས་ཤིང་།། ལམ་ནོར་གདུག་པར་བཅས་པ་ཕཊ་ཀྱིས
336a3 གསོད།། ཞིང་གི་ཤམ་ཐབས་གདུག་པ་འདུལ་བར་བསྣམས།། སྐུ་འདྲ་འཇིགས་ཚོགས་གཟུགས་ཀྱིས་སྐུ་ལ་བརྒྱན།། ཞབས་དང་ཕྱག་ཏུ་གྱུར་པ་བསམ་ཐག་ཆད།། ཞབས་ཆེན་གཡོན་མང་བརྐྱང་བས་ལྷ་གནོན
336a4 བདུད་ལ་ཁྱབ།། ཞབས་གཡས་ཐབས་ཆེན་མང་པོས་དབང་སྡུད་འདོར་ཞིང་བསྐུམ།། རྡོ་རྗེ་སེ་གོལ་ཕྱར་བརྡབས་གཉིད་ཆེར་རབ་སེལ་མཛད།། འོད་ཆེན་དབུས་ནས་གློག་ཆེན་རབ་འགྱུ་བའི།། འཇིགས་པར་གོང་ན
336a5 མེད་པའི་དཔའ་བོ་ཁྱོད།། ཟས་ངན་བདུད་རྩི་སྦྱོར་བའི་སྨན་ཆེན་བདག། འཇིགས་བྱེད་ཁྱོད་ལྟ་བུ་ནི་རབ་ཏུ་དཀོན།། བསྐལ་པར་བཀྲུས་ཀྱང་སླར་སྐྱེ་དྲི་མ་ལ།། ཡེ་ཤེས་ཉི་ཟེར་འོད་ཀྱི་བྱིན་བརླབས་དང་།། ཐུགས
336a6 རྗེ་དག་པའི་ཆར་གྱི་ཆོ་འཕྲུལ་གྱིས།། བརྡ་ཙམ་ཡུད་ལ་རྨོངས་འཁྲུགས་ལས་སྦྱོར་ཞིང་།། ཤི་བའི་ལམ་འགོག་ཤེས་རབ་དཀྱིལ་འཁོར་དུ།། སྐྱེ་བ་གཏན་ནས་སྦྱོང་བའི་ཐུགས་རྗེ་འཆར།། བྱམས་སྡང་མི་མངའ་བཀའ
iiif viewer powered by OpenSeadragon
