| e-texts navigator |
| Wylie |
335a1 བདུད་རྩི་ཁྱད་མེད་པར།། དག་པའི་རང་བཞིན་རྣལ་འབྱོར་ཐུགས།། ཀུན་ཏུ་བཟང་པོ་རྡོ་རྗེའི་སྐུ།། ཡེ་ཤེས་ལྔ་ཡི་ཁྲོ་རྒྱལ་གཙོ།། ཁྲག་འཐུང་འཇིགས་བྱེད་ཧེ་རུ་ཀ། སངས་རྒྱས་མཐའ་ཡས་འགྲོ་བ་རྒྱ
335a2 མཚོ་འདུལ།། ཐུགས་རྗེ་བསམ་ཡས་ཁྲོ་རྒྱལ་ཀུན་གྱི་གཙོ།། ཁྲག་འཐུང་ཀུན་ལས་ཆེས་འཕགས་ཡིད་བཞིན་མཛོད།། སེར་གནག་མཐིང་གནག་ལྗང་གནག་དམར་གནག་དང་།། སྔོ་གནག་རི་རབ་ལྟ་བུར་བརྗིད་པའི
335a3 སྐུ།། བསྐལ་པར་བཅས་པའི་མེ་རིའི་དབུས་གནས་པའི།། རོ་ཚོགས་མང་པོའི་དཀྱིལ་ནས་ཞལ་རྔམ་པའི།། བསོད་ནམས་ལུས་བསྡུས་རྡོ་རྗེ་མི་ཟད་པའི།། སྐར་ཚོགས་མང་ལ་ཉི་ཟླའི་འོད་བཞིན་དུ།། ཆེ་བཙན
335a4 དྲེགས་པས་འཇིགས་པའི་ཚོགས་ཀུན་འཇོམས།། མཚུངས་མེད་ཆོ་འཕྲུལ་ཁྱད་པར་རབ་སྟོན་ཅིང་།། འདོད་པའི་དབང་ཕྱུག་གར་གྱི་ཚུལ་དུ་བཞུགས།། ཟ་བྱེད་བརྐམ་པས་ཐུགས་སྐུ་གསུང་གི་ཞལ།། ཁྲག་མཚོ
335a5 མཐའ་མེད་སྐེམས་ཤིང་སྒལ་ཚིགས་འཇོམས།། ཁྲོ་གཉེར་སྙིང་འདྲེན་འཇིགས་བྱེད་གློག་ལྟར་འགྱུ།། དུར་ཁྲོད་འབུམ་གྱི་དབུ་སྨུག་འཇིགས་པར་བརྗིད།། འཁོར་བའི་རྟོག་པ་འཇིག་མཛད་ཐོད་རློན་ཕྲེང་བས
335a6 བསྒེགས།། རོལ་ཕྱིར་རྩེ་མོར་སྣང་བས་ཨ་ཨ་ཧ་ལས་བཞད།། རང་ཉིད་ཆེ་བས་དབང་རྫོགས་རྒྱལ་བས་དབུ་ལ་བརྒྱན།། སྨིན་རིས་ཁྲོ་གཉེར་གློག་བཞིན་རབ་འགྱུ་བས།། ཕྱོགས་དང་མཐུན་པའི་ཁྲག་འཐུང་འགྱེད
iiif viewer powered by OpenSeadragon
