| e-texts navigator |
| Wylie |
334b1 ཇི་སྲིད་པ་རྣམས་ཐུགས་ཀྱི་དཀྱིལ་འཁོར་ཆེན་པོ་འདིས་འདུལ་བར་གྱུར་ནས།། བཅོམ་ལྡན་འདས་དགྱེས་པ་ཆེན་པོས་སྐུ་དང་གསུང་དང་ཐུགས་ཡོན་ཏན་ཕྲིན་ལས་རྡོ་རྗེ་ལས་རྡོ་རྗེ་གསང་བའི་ཚིག་འདི་ཕྱུང
334b2 ངོངོ།། ཨ་ཧོ། དེ་བཞིན་གཤེགས་པ་བསམ་ཡས་སྙིང་པོ་བསམ་ཡས་པར།། འབྲུ་གཏོར་བསྡུ་བ་ལས་ནི་འདས་བཞིན་བསྙགས་དཀའ་བའི།། མ་ནོར་ལས་ཆེན་གཅིག་གིས་རབ་ཏུ་འདུལ་འགྱུར་ཞིང་།། དེ་ཡི་བསྔགས
334b3 པའི་བཀའ་ལས་འདའ་བར་ངེས་མི་ནུས།། ཐུགས་ཀྱི་ཐུགས་རྗེས་ཇི་སྲིད་མ་ནོར་ལམ་ཉིད་ལ།། གསང་བའི་སྙིང་པོ་ངེས་པ་སྒྱུ་འཕྲུལ་མཆོག་ཉིད་པ།། ང་ཉིད་འདུད་འགྱུར་གཞན་ལྟ་སྨོས་ཅི་དགོས།། དེ་ཉིད་ཐུགས
334b4 ལས་སྤྲུལ་པའི་ཐུགས་ཉིད་དོ།། ཧོ་རྡོ་རྗེ་གསང་བའི་ཚིག་ཏུའོ།། གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ཤིན་ཏུ་འདུལ་བར་གྱུར་པ་གནས་དང་། སྙིང་པོ་དབུལ་བའི་ལེའུ་སྟེ་བཞི་བཅུ་བདུན
334b5 པའོ།། །། དེ་ནས་བཅོམ་ལྡན་འདས་དགྱེས་པ་ཆེན་པོའི་བདག་ཉིད་དཔལ་ཁྲག་འཐུང་ཆེན་པོའི་སྤྱན་སྔར་དྲེགས་པ་ཆེན་པོ་དང་། དབང་ཕྱུག་ཆེན་པོ་ལ་སོགས་པ་འཇིག་རྟེན་པའི་ཚོགས་ཀྱིས། དེ་བཞིན
334b6 གཤེགས་པའི་བྱིན་གྱིས་བརླབས་ཀྱིས་སེམས་འདུན་པ་ཆེན་པོར་གྱུར་ཏེ། ཆེད་དུ་བསྟོད་པའི་གླུ་འདི་མགྲིན་གཅིག་ཏུ་སྨྲས་སོ།། ཨེ་མའོ་ཡ་མཚན་འཕྲུལ་ཆེན་གྱི།། སངས་རྒྱས་རྡོ་རྗེའི་རང་བཞིན་དཔལ།། དུག་དང
iiif viewer powered by OpenSeadragon
