| e-texts navigator |
| Wylie |
334a1 པོ།། འཁོར་ཚོགས་ཁྲི་ཁྲག་མང་པོ་ཡིས།། ལུས་དང་ངག་ཡིད་དབུལ་བ་ནི།། འཁོར་ཚོགས་ཁྲི་ཕྲག་བྱེ་བ་བརྒྱ།། མེ་ཏོག་སིལ་མ་བཀྲམ་པ་དང་།། རྒྱན་མང་བྱུག་པ་གཅལ་བཀྲམ་པ།། སྡེ་དཔོན་ཉི་ཤུ
334a2 བྱེ་བ་རྣམས།། ཅི་ལེགས་པར་ནི་རབ་ཏུ་སྨྲ།། རིམ་པ་ཆེ་ཞིང་སྲི་ཞུ་གུས།། མཆོད་པར་བྱེད་ཅིང་ལུགས་མཆིས་པར།། བདག་གི་འཁོར་དང་བཅས་པ་ལགས།། རིན་ཆེན་བཅལ་དང་བཏུང་བ་དང་།། རོལ་མོ་གླུ་གར
334a3 སྙན་པས་བརྒྱན།། རིན་ཆེན་ཁང་པར་བདག་མཆིས་ཤིང་།། བཞོན་པ་དམག་མངས་འཁོར་བར་མཆིས།། རིན་ཆེན་སྣོད་དུ་ཆང་འཐུང་བ།། གདུགས་ཀྱིས་རྒྱས་པར་སྟེང་ནས་གཡོགས།། གཟུགས་མཛེས་པ་ནི་གདའ
334a4 བར་བགྱིད།། རིན་ཆེན་མེ་ཏོག་ཕྱོགས་སུ་འཐོར།། རྒྱལ་པོའི་ཚོགས་མང་ཀུན་གྱིས་བསྐོར།། གནོད་སྦྱིན་སྲིན་པོའི་ཚོགས་རྣམས་དང་།། ཆུ་བདག་གཤིན་རྗེའི་འཁོར་མང་རྣམས།། དེ་བཞིན་གུས་པས་བདག་ཅག
334a5 བགྱིད།། དགྱེས་པའི་དཀྱིལ་འཁོར་ཆེན་པོ་འདི།། མིང་ཙམ་འཛིན་པར་བྱེད་པ་ཡིས།། ཞབས་ཀྱི་མཐིལ་དུ་བྲིས་ནས་ཀྱང་།། རང་གི་སྙིང་པོ་འདི་བརྗོད་ན།། དེ་ལ་བྲན་བཞིན་བདག་ཅག་བགྱིད།། གཙུག་ཏུ་བཞག
334a6 ནས་བཀུར་བ་དང་།། དེ་ཡི་དགོས་པ་ཅི་ཡང་རུང་།། མ་ལུས་རྫོགས་པར་བདག་ཅག་བགྱིད།། དེ་ལ་གཟུགས་སྟོན་གདའ་བར་བགྱིད།། ཨོཾ་དྷ་ཀ་བྷི་དུ་བྷ་བི་ཤུ་པ་ཤེ་ཨོཾ་ཧཱུཾ། ཞེས་མགྲིན་གཅིག་ཏུ་སྨྲས་པས།། སྲིད་པ
iiif viewer powered by OpenSeadragon
