| e-texts navigator |
| Wylie |
333a1 རྣམས་ལ།། མིང་ཙམ་འཛིན་པར་བྱེད་པ་ཡིས།། ཞབས་ཀྱི་མཐིལ་དུ་འདི་བསྒོམས་ཏེ།། རང་གི་སྙིང་པོ་འདི་བརྗོད་ན།། དེ་བྲན་བཞིན་དུ་བདག་ཅག་བགྱིད།། དེ་ཡི་དགོས་པ་ཅི་ཡང་རུང་།། མ
333a2 ལུས་རྫོགས་པར་བདག་ཅག་བསྒྲུབ།། འདུག་ནས་སྙིང་པོ་འདི་བཞིན་དབུལ།། ཨོཾ་ཁཾ་དྷ་ཧ་སྭཱ་ཧཱ། དབང་ཕྱུག་ལྷ་ཆེན་དཀྱིལ་འཁོར་དང་།། ལུས་དང་ངག་ཡིད་དབུལ་བ་ནི།། འཁོར་གཡོག་བྱེ་བ་བརྒྱད་ཅུ
333a3 སྟོང་།། མེ་ཏོག་སིལ་མ་བཀྲམ་པ་དང་།། རས་སྟན་འཕར་མ་མང་པོ་དང་།། རིན་ཆེན་བཅལ་དང་བརྡུང་བ་དང་།། རོལ་མོ་གླུ་གར་རབ་ཏུ་སྙན།། རིན་ཆེན་ཁང་པའི་གནས་སུ་ནི།། ལྷ་མོ་མང་པོར་བདག་སྤྱོད
333a4 ཅིང་།། རིན་ཆེན་སྣོད་དུ་བདག་ཅག་འཐུང་།། གདུགས་ཀྱིས་རྒྱས་པར་སྟེང་ནས་གཡོགས།། གཟུགས་མཛེས་པས་ནི་གདའ་བར་བགྱིད།། རིན་ཆེན་མེ་ཏོག་ལ་སོགས་དང་།། ལྷ་ཡི་མེ་ཏོག་ཕྱོགས་སུ་འཐོར།། ལྷ་ཡི
333a5 ཚོགས་མང་ཀུན་གྱིས་བསྐོར།། དགྱེས་པའི་དཀྱིལ་འཁོར་འདི་རྣམས་ལ།། མིང་ཙམ་འཛིན་པར་བྱེད་པ་ཡིས།། ཞབས་ཀྱི་མཐིལ་དུ་འདི་བྲིས་ཏེ།། རང་གི་སྙིང་པོ་འདི་བརྗོད་ན།། དེ་ལ་བྲན་བཞིན་བདག་ཅག
333a6 བགྱིད།། གཙུག་ཏུ་བཞག་ནས་བཀུར་བ་དང་།། དེ་ཡི་དགོས་པ་ཅི་ཡང་རུང་།། མ་ལུས་རྫོགས་པར་བདག་ཅག་བསྒྲུབ།། དེ་གཟུགས་སྟོན་ཅིང་གདའ་བར་བགྱིད།། ཨོཾ་སརྦ་དེ་བཱ་མ་ཧཱ་ཨུ་པ་ཧ།། རྒྱལ་པོ་རྣམ་ཐོས
iiif viewer powered by OpenSeadragon
