| e-texts navigator |
| Wylie |
332b1 བསྒོམ།། དེ་ལས་སྣ་ཚོགས་ཅི་འདོད་པར།། ཐམས་ཅད་ཐམས་ཅད་གྲུབ་པར་འགྱུར།། དེ་བསྙེན་ཉམས་སུ་ལོན་པ་ཡིན།། ཨོཾ་ལ་དྲག་ཏུ་ཕཊ་ཅེས་པས།། གང་ལ་བྱ་བ་མངོན་བསམ་ནས།། སེ་གོལ་སྣོལ་མར
332b2 གཏོགས་པ་ཡིས།། བརྒྱ་ལ་འགྱུར་ཨོཾ་ལས་དམར་རྩི་དབབ།། ཡིད་ལ་བསྒོམས་པས་ལངས་པར་འགྱུར།། གསང་བའི་སྙིང་པོ་དེ་ཁོ་ན་ཉིད་ངེས་པ་ལས་སྒྱུ་འཕྲུལ་ཆེན་པོ་རབ་ཏུ་རྒྱལ་བར་བྱེད་པ་དམ་ཚིག་མཆོད
332b3 བཀོད་པའི་ལེའུ་སྟེ་བཞི་བཅུ་དྲུག་པའོ།། །། དེ་ནས་བཅོམ་ལྡན་འདས་དགྱེས་པ་ཆེན་པོའི་སྤྱན་སྔར་དྲེགས་པ་ཆེན་པོ་དང་། དབང་ཕྱུག་ཆེན་པོ་དང་། རྒྱལ་པོ་ཆེན་པོ་བཞི་དང་། ཕྱོགས་སྐྱོང་བར་གྱུར་པ་སྡེ
332b4 དཔོན་དང་ཆུང་མར་བཅས། བྲན་དང་གཡོག་དང་ཡང་གཡོག་གི་རབ་ཏུ་འཇིགས་པ་དང་བཅས་པའི་སེམས་ཀྱིས་གུས་པར་དམ་བཅས་ཤིང་།། རང་རང་གི་དཀྱིལ་འཁོར་དང་། སྙིང་པོ་ཞེས་བྱ་བ་འདི་མགྲིན་གཅིག
332b5 ཏུ་ཡང་སྤྲས་སོ།། དྲེགས་པ་འཁོར་བཅས་དཀྱིལ་འཁོར་དང་།། ལུས་དང་ངག་ཡིད་དབུལ་བ་ནི།། འཁོར་གཡོག་བྱེ་བ་དྲུག་ཅུ་རྣམས།། ཀེང་རུས་གསར་རྙིང་གནས་སུ་གྱུར།། རློན་པ་ཤ་ཁྲག་ཚོགས་ལ་སྤྱོད།། ཟོད
332b6 པར་འཐུང་ཟ་མེད་པའི་ནང་།། མདུང་ཐུང་རལ་གྲི་དགྲ་སྟ་དང་།། ཞགས་པ་དབྱིག་པ་ཟོར་བ་དང་།། ལྔ་དང་ལྔ་ལྡི་ཁྲག་འཐོར་ཞིང་།། གདུག་པའི་ཚོགས་རྣམས་ཀུན་གྱིས་བསྐོར།། དགྱེས་པའི་དཀྱིལ་འཁོར་འདི
iiif viewer powered by OpenSeadragon
