| e-texts navigator |
| Wylie |
331a1 ཚོན་གྱིས་མདོག་བསྒྱུར་བཞིན།། རྟགས་དང་མངོན་དུ་གྱུར་པར་རོ།། སངས་རྒྱས་རྡོ་རྗེ་ཕྱག་བསྣམས་ནས།། ཁྲོ་བོ་ཆེན་པོ་རྣམ་པར་རྒྱལ།། རང་གི་རང་བཞིན་དེར་བསྐུར་ནས།། སྤྱན་བགྲད་མཆེ
331a2 གཙིགས་སྡང་མིག་འབར།། བརྐྱང་བསྐུམ་རྔམ་པས་ཞིང་སྟེངས་བསྒོམ།། ཤིག་ཤིག་དྲག་ཏུ་གྱུར་པ་ན།། དེ་ཡི་སྙིང་པོ་བཟླས་ནས་ནི།། དེ་བསྙེན་ཉམས་སུ་ལོན་པ་ཡིན།། དེ་ལྟར་འགྲུབ་པའི་རྟགས་རྣམས་ནི།། གང
331a3 ལ་དམིགས་པའི་མདུན་དག་ཏུ།། བཞིན་བཟློག་མིག་གིས་བལྟས་ནས་ནི།། ལྕེ་ལ་དྲག་ཏུ་ཕཊ་ཅེས་བརྗོད།། བརྒྱ་ལ་འགྱུར་ཨཾ་ནས་དམར་རྩི་དབབ།། དེ་ལས་ཧཱུཾ་ཞེས་བྱ་བ་ཡིད།། དང་པོའི་གནས་སུ་འདུས་པ
331a4 ན།། མཆོངས་པར་འདོད་ན་ལངས་པར་འགྱུར།། སྒྱུ་འཕྲུལ་དྲ་བའི་དཀྱིལ་འཁོར་ལས།། ཚོམ་བུ་གཉིས་ཀྱི་ལྷ་རྣམས་བསྒོམ།། ང་ཉིད་འདུག་པའི་གནས་བཤམས་ཏེ།། ལོ་དང་ཟླ་བ་གསུམ་ལྔ་བདུན།། དེ་ཡི་དུང
331a5 ཆེན་གང་བ་དང་།། རྡོ་རྗེ་ཕྱག་བསྣམས་དྲིལ་བུ་ལ།། སྔགས་བཟླས་ཏིང་འཛིན་གོམས་པར་བསྙེན།། རྫས་ལ་ཚོན་གྱིས་མདོག་བསྒྱུར་བཞིན།། རྟགས་དང་མངོན་དུ་གྱུར་པར་རོ།། སངས་རྒྱས་རྡོ་རྗེ་ཕྱག་བསྣམས
331a6 ནས།། ཁྲོ་བོ་ཆེན་པོ་གཤིན་རྗེ་རྒྱལ།། གཤིན་རྗེ་ཁྲོས་པའི་རྒྱལ་མོར་སྦྱོར།། རང་གི་རང་བཞིན་དེར་བསྒྱུར་ནས།། སྤྱན་བགྲད་མཆེ་གཙིགས་སྡང་མིག་པར།། བརྐྱང་བསྐུམ་རྔམ་པས་ཞིང་སྟེངས་བསྒོམ།། ཤིག་ཤིག
iiif viewer powered by OpenSeadragon
