| e-texts navigator |
| Wylie |
32b1 སོགས་དབང་བསྒྱུར་བས།། མ་ལུས་ཡེ་ཤེས་བདེ་མཆོག་ཡིན།། རང་བྱུང་ཡེ་ཤེས་དཀྱིལ་འཁོར་ལ།། ཟག་མེད་དཀྱིལ་འཁོར་རང་གནས་ཉིད།། མཐོང་གོམས་རྫོགས་པས་ལྷུན་གྱིས་གྲུབ།། མ་སྤངས་རང་ལ་ལྷུན
32b2 གྲུབ་པས།། མ་ལུས་དཀྱིལ་འཁོར་རྒྱན་དུ་གནས།། འབྱུང་འཇུག་མེད་པའི་དཀྱིལ་འཁོར་ལ།། ཆེ་བའི་ཡོན་ཏན་ལྷུན་རྫོགས་པས།། ཕྱོགས་བཅུ་ནམ་མཁའི་མཐའ་ཐུག་པར།། ཐུགས་རྗེའི་དཀྱིལ་འཁོར་ཕྱོགས་མེད
32b3 སྣང་།། བྱ་བྱེད་མེད་པའི་ཚུལ་གཅིག་པ།། རང་བྱུང་སྙིང་པོ་དཀྱིལ་འཁོར་མཆོག། ཐུན་མོང་ཐུན་མོང་མ་ཡིན་པ།། ཤེས་རབ་ཡུམ་ལ་མཉམ་སྦྱར་ནས།། རང་བྱུང་འབྲས་བུ་ལྷུན་གྱིས་གྲུབ།། བསྐལ་པ་རྡུལ་སྙེད
32b4 གྲངས་འདས་ནས།། མོས་དང་སྦྱངས་པའི་རང་བཞིན་གྱི།། གསང་བའི་དོན་ལ་གང་ཞུགས་པ།། ཚེ་འདིས་རྒྱལ་བ་ཉིད་དུ་འགྱུར།། འདས་དང་ད་ལྟར་མ་འོངས་པའི།། རྒྱལ་བའི་སྐུ་གསུང་ཐུགས་ཀྱི་བཅུད།། འདུས
32b5 པའི་གསང་ཆེན་འདི་ཡིན་ཏེ།། ལམ་གྱི་དམ་པ་ཉེ་ལམ་ཡིན།། འཇིག་རྟེན་དྲུག་གི་ཕྱོགས་དག་ན།། རྒྱལ་བའི་དཀྱིལ་འཁོར་རྡུལ་ཕྲན་སྙེད།། བསྟན་པ་ཕྱི་ནང་གསང་བ་ཀུན།། སྒྱུ་འཕྲུལ་དྲ་བ་ལས་འཕྲོས་ཏེ།། ལམ
32b6 གྱི་དམ་པ་ཉེ་ལམ་ཡིན།། ཐབས་དང་ཤེས་རབ་གཉིས་མེད་དང་།། བྱ་བ་སྤྱོད་དང་རྣལ་འབྱོར་དང་།། རྣལ་འབྱོར་ཆེན་པོ་བླ་མེད་པ།། མ་ལུས་འདུས་ཤིང་འབྱུང་བའི་ཕྱིར།། དངོས་གྲུབ་བརླབས་ཆེན་ཀུན་འབྱུང
iiif viewer powered by OpenSeadragon
