| e-texts navigator |
| Wylie |
329b1 དང་།། ཕྱོགས་གཉིས་པ་ལས་འཁོར་དུ་བྱས་པ་བསམ་གྱིས་མི་ཁྱབ་པས་ཁེངས་པའི་གནས་སུ་ཉིད་ཀྱི་བསྙེན་པ་ཆེ་ཆུང་ལ་མ་གཏོགས་པ་ཡིད་ལ་དགའ་བ་ཅི་བྱས་ཀྱང་མི་འགྲུབ་ཅིང་བར་ཆད་བྱེད་པར་འགྱུར་བའི
329b2 ཕྱིར་གེགས་བསལ་བ་ལྔ་པ་ཞེས་བྱ་བ་འདི་འཐོན་པར་གྱུར་པ་འདི་ཆེད་དུ་གསུངས་སོ།། སྒྲུབ་ལ་འདུག་པ་མི་གནས་དང་།། ས་གཞི་བདག་ཏུ་དབང་བ་དང་།། སྒྲུབ་པའི་རྫས་རྣམས་ཅི་ཡོད་པ།། གདུག་པའི་སྦྲུལ
329b3 རྣམས་བསལ་བ་དང་།། འཁོར་དུ་གཏོགས་པ་མང་ཉུང་ལ།། གདུག་པས་ཟིན་པར་མི་འགྱུར་ཞིང་།། ལྗོན་པ་ལྕུག་ཕྲན་ལ་སོགས་ལ།། གདུག་པས་གནས་པར་མི་འགྱུར་ཕྱིར།། ལྔ་པ་ཞེས་ནི་རབ་ཏུ
329b4 བསྔགས།། བདག་གིས་གདུག་པར་མཆོད་པའི་ཕྱིར།། སྒྱུ་འཕྲུལ་དྲ་བའི་ཏིང་འཛིན་ལས།། བདག་ཉིད་གདུག་པའི་མཐིང་གནག་མདོག། ལག་ན་ཞགས་པ་ཨུཏྤལ་འཛིན།། མགོ་ལ་གདེངས་ཀ་སྦྲུལ་ཆེན་བཅུ།། ཉི
329b5 ཤུ་བརྒྱའམ་སྟོང་དང་ཁྲི།། བསམ་ཡས་དག་གི་སྦྲུལ་ཆེན་པོ།། ཁ་དོག་ནག་པོ་ལྕེ་གསུམ་འབར།། གདུག་པ་ཀླུ་ཡི་ཚོགས་མངས་པས།། འཁོར་མང་འཇིགས་བརྗོད་སྤྱི་བུང་བས།། མཆོག་ཏུ་ཕྱག་རྒྱ་འདི་བཅའ
329b6 བྱ།། མི་བསྐྱོད་རིན་ཆེན་ཡིག་འབྲུ་རྣམས།། ཕྲལ་ཏེ་གོ་རན་བྱས་པ་ན།། གདུག་པ་སྦྲུལ་གྱིས་འོག་ཏུ་གདིང་།། ནཱ་ག་པུ་ཀལ་ནཱ་ག་ཕཊ་ཅེས་བརྗོད།། འདི་ལ་གོམས་པར་གང་བརྩོམ་པས།། ང་ཡི་ཆ་ལུགས་འདི
iiif viewer powered by OpenSeadragon
