| e-texts navigator |
| Wylie |
329a1 སོགས་མཚན་པ་ཡི།། རྗེས་སུ་ཆགས་པའི་མཆོད་པར་བཤམ།། དེ་ལ་ལས་སུ་སྩལ་བ་ན།། གང་ལ་བྱ་བ་དབང་དུ་འགྱུར།། ལྷ་མོ་ཀླུ་མོ་རིགས་ངན་མོ།། ཡུད་ཙམ་རྟག་པར་འདོད་སྒྲུབ་རྣམས།། ཏིང
329a2 འཛིན་འདི་ཡིས་བྱེད་པར་འགྱུར།། དབང་ཕྱུག་ལྷ་ཆེན་ལྷ་དབང་པོ།། རྒྱལ་ཆེན་ཕྱོགས་སྐྱོང་མང་པོ་ལ།། ཆུང་མ་བུ་མོ་ལ་སོགས་མཚན།། འདོད་སྤྱོད་དབང་བར་བློ་འཆང་རྣམས།། ཏིང་འཛིན་འདི་ཡིས་བྱེད་པར
329a3 འགྱུར།། དེ་ཡི་དགོས་པ་ཐམས་ཅད་པ།། མ་ལུས་ཀུན་རྫོགས་འགྲུབ་པར་འགྱུར།། ཅེས་བརྗོད་པས་འཇིག་རྟེན་དྲུག་གི་ཕྱོགས་བཅུ་ཐམས་ཅད་རབ་ཏུ་གཡོས་ཀུན་ཏུ་གསལ་བར་གྱུར་ནས་དེ་བཞིན་གཤེགས་པའི
329a4 ལོངས་སྤྱོད་ཆེན་པོ་ཀུན་ཏུ་སྣང་བར་གྱུར་ཏོ།། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེའི་བདག་ཉིད་གསང་བའི་སྙིང་པོ་དེ་ཁོ་ན་ཉིད་ངེས་པ་ལས་སྒྱུ་འཕྲུལ་ཆེན་པོ་དམ་ཚིག་གི་མཆོད
329a5 པའི་ལོངས་སྤྱོད་ཅེས་བྱ་བའི་ལེའུ་སྟེ་བཞི་བཅུ་བཞི་པའོ།། །། དེ་ནས་ཐུབ་པ་ཆེན་པོ་བཅོམ་ལྡན་འདས་ཀྱིས་ཀླུའི་ཚོགས་བསམ་གྱིས་མི་ཁྱབ་པ་ལ་རྒྱལ་པོ་ཆེན་པོ་སངས་རྒྱས་བཅོམ་ལྡན་འདས་ཉིད་དུ་སྣང
329a6 བར་གྱུར་ཏོ།། གདུག་པའི་ལས་ཀླུའི་ཚོགས་འདུལ་བར་གྱུར་ནས་སྒྲུབ་པ་ཆེན་པོ་ལ་མོས་པའི་ཆེད་དུ་བརྗོད་པ་འདི་བརྗོད་དོ།། ཀླུའི་ཚོགས་རིགས་གཉིས་པ་དང་།། རིགས་གསུམ་པ་དང་།། རིགས་ཐ་དད་པ
iiif viewer powered by OpenSeadragon
