| e-texts navigator |
| Wylie |
328a1 བཞིས།། རིགས་དང་མཐུན་པ་ཉིད་དུ་བསྒོམ།། དཀྱིལ་འཁོར་བཞི་བཅུ་རྩ་གཉིས་ཀྱི། ལྷ་རྣམས་མངོན་དུ་སྣང་བ་དང་།། སྒོ་བསྒོམ་མང་པོ་དང་།། དུས་བཞིའི་ལྷ་མོ་མཆོག་དབབ་དང་།། ལྷ་དང་ཀླུ
328a2 ཡི་ཚོགས་བཅས་ལས།། མངོན་དུ་སྨྲ་བར་བྱ་བར་མཐུན།། རྒྱལ་སྲིད་དང་ནི་འཁོར་འཕྲོག་དང་།། བསྡུ་དང་དབང་དུ་བྱ་བ་དང་། གསད་དང་བསྐྲད་པའི་ཚོགས་བཅས་དང་།། བདག་འགྲོ་མྱུར་དུ་ཕྱིན་པ་དང་།། ནོར
328a3 འདོད་པ་དང་ཅི་བྱ་བ།། ཏིང་འཛིན་འདི་ཡིས་བྱེད་པར་འགྱུར།། དུས་མེད་པར་ནི་མཆོད་དང་ཕྲད།། ཅེས་བརྗོད་པས་འཇིག་རྟེན་དྲུག་གི་ཕྱོགས་བཅུ་ཐམས་ཅད་བྱིན་བསྡུ་བའི་མཆོད་པ་ཆེན་པོར་གྱུར་ཏོ།། གསང
328a4 བའི་སྙིང་པོ་དེ་ཁོ་ན་ཉིད་ངེས་པ་ལས་བྱིན་བསྡུ་བ་དང་དམ་ཚིག་དབབ་པའི་སྒྱུ་འཕྲུལ་དྲ་བའི་ཐུགས་རྗེ་ཞེས་བྱ་བའི་ལེའུ་སྟེ་བཞི་བཅུ་གསུམ་པའོ།། །། དེ་ནས་དགྱེས་པ་ཆེན་པོས་ལོངས་སྤྱོད་ཆེན་པོ་རྡོ་རྗེ་སྙིང
328a5 པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་སྒྱུ་འཕྲུལ་ཆེན་པོའི་དམ་ཚིག་མཆོད་པའི་ལོངས་སྤྱོད་ཅེས་བྱ་བ་འདི་དེ་བཞིན་གཤེགས་པའི་སྐུ་དང་གསུང་དང་ཐུགས་རྡོ་རྗེ་སྒྱུ་འཕྲུལ་དྲ་བ་ལས་ཕྱུང
328a6 ངོངོ།། རབ་འབྲིང་ཐ་མའི་བློ་རྣམས་ཀྱིས།། ངེས་པར་བསྒོམ་པར་བྱ་བ་ནི།། རྒྱལ་པོའི་ས་འཛིན་མཆོག་འདོད་པས།། གཟུགས་སུ་བྲིའམ་རྟེན་བཅས་ལ།། སྤྱི་གཙུག་ཁ་དང་སྙིང་ག་མཚན།། གོམས་པར་ཛཿཉིད་མདོག
iiif viewer powered by OpenSeadragon
