| e-texts navigator |
| Wylie |
326b1 ཉིད་དུ་བསྒོམ།། རིན་ཆེན་ཕྲེང་བའི་བྱིན་བསྡུ་བ།། གཟུགས་སྟོན་དབབ་པར་བྱ་བ་ནི།། རིགས་དང་མཐུན་པའི་གཟུགས་བརྙན་ལ།། སྤྱི་གཙུག་ཁ་དང་སྙིང་ག་མཚན།། འབྲུ་ལྔས་བྱིན་བརླབས་ཨེ་ཉིད་སྦྱིན།། དེ་ཉིད
326b2 པདྨའི་དཀྱིལ་འཁོར་ཡིན།། དེ་ཉིད་གོམས་ནས་གསང་མཚན་པ།། ཨེ་ཡི་ཚོགས་ཀྱི་ལྷ་རྣམས་བསྒོམ།། དེ་ཉིད་སྟྭཾ་གྱི་ལྷ་རྣམས་ཏེ།། བདག་མེད་མཐའ་བྲལ་མི་དམིགས་ལས།། རང་གི་ངང་ཚུལ་དེ་བཟུང
326b3 ནས།། སངས་རྒྱས་རིན་ཆེན་ཙ་ན་ཀ། ཤེས་རབ་ཡུམ་དང་ལྡན་པར་བསྒོམ།། དེ་ལས་རྡོ་རྗེ་བྱིན་བརླབས་ཏེ།། པདྨ་གསང་ནས་འཛུལ་ཐབས་ཡིན།། སྦུབས་སུ་ཞུགས་ལ་དེ་ལུས་དགང་།། རིན་ཆེན་ཚོན་གྱིས་ཁེངས
326b4 པ་དང་།། སོ་སོའི་སྙིང་པོས་མི་ཡང་དགུག། དེ་གོམས་བློ་བདེ་གསལ་སྒྲོ་ཐིམ།། རིན་ཆེན་ལྷ་རྣམས་སྟྭཾ་དུ་བསྒོམ།། སྣོད་གནས་ཕྲེང་བ་ཁེངས་གྱུར་བར།། ཡུམ་གྱི་ཚོགས་ཀྱང་གསལ་བར་གནས།། ཕྱག་རྒྱ་སྙིང་པོ
326b5 གཟུགས་ལ་སོགས།། རིགས་དང་མཐུན་པ་ཉིད་དུ་བསམ།། བརྟན་པ་སྟྭཾ་གྱི་འཕྲོ་འདུ་ལྟར།། རྣམ་ཤེས་བྱིན་བརླབས་ངང་དུ་བརྟགས།། གཞི་རྩ་མེད་པའི་སེམས་ཉིད་ལས།། སངས་རྒྱས་རིན་ཆེན་སྤྲིན་ཚོགས
326b6 བསྒོམ།། ཕྱག་རྒྱ་གསལ་བ་ཉེ་བསྙེན་པ།། འཕྲོ་འདུ་རིགས་དང་མཐུན་པར་ནི།། བསྒོམས་ནས་བཟླས་དང་མངོན་སུམ་ན།། སྒོ་མ་བཞི་ཡི་ཕྱག་རྒྱ་བཅིང་།། རྗེས་སུ་ཆགས་པའི་ཕྱག་རྒྱ་བཞིས།། རིགས་དང་མཐུན་པ
iiif viewer powered by OpenSeadragon
