| e-texts navigator |
| Wylie |
324b1 མཐའ་བྲལ་མི་དམིགས་ལས།། དོན་ཡོད་ངང་ཚུལ་དེ་བཟུང་ནས།། དོན་ཡོད་མཆོག་གི་ཙ་ན་ཀ། ཤེས་རབ་ཡུམ་དང་ལྡན་པར་བསྒོམ།། དེ་ལས་རྒྱ་གྲམ་བྱིན་བརླབས་ཏེ།། པདྨ་གསང་ནས་འཛུལ་ཐབས
324b2 ཡིན།། སྦུབས་སུ་ཞུགས་ལ་དེ་ལུས་དགང་།། རྒྱ་གྲམ་མཚོན་གྱིས་ཁེངས་པ་དང་།། སོ་སོའི་སྙིང་པོས་མིང་ཡང་དགུག། དེ་གོམས་བློ་བདེ་གསལ་སྤྲོ་ཐིམ།། རྡོ་རྗེ་ལ་ལ་རྣམས་ཧཱུཾ་བསྒོམ།། སྣོད་གནས་བདེ་ལྡན་ཁེངས
324b3 གྱུར་པར།། ཡུམ་གྱི་ཚོགས་ཀྱང་གསལ་བར་གནས།། ཕྱག་རྒྱ་སྙིང་པོ་གཟུགས་ལ་སོགས།། རིགས་དང་མཐུན་པ་ཉིད་དུ་བསྒོམ།། བརྟན་པ་ཧཱུཾ་གྱི་འཕྲོ་འདུ་ལྟར།། རྣམ་ཤེས་བྱིན་བརླབས་ངང་དུ་བརྟགས།། གཞི་རྩ
324b4 མེད་པའི་སེམས་ཉིད་ལས།། གྲུབ་པ་སྒྱུ་འཕྲུལ་སྤྲིན་ཚོགས་བསྒོམ།། ཕྱག་རྒྱ་གསལ་བ་ཉེ་བསྙེན་པ།། འཕྲོ་འདུ་རིགས་དང་མཐུན་པར་ནི།། བསྒོམས་ནས་བཟླས་དང་མངོན་སུམ་ནི།། དགྱེས་པ་གར་གྱི་གསུང་སྙན
324b5 ཅིང་།། རྗེས་སུ་ཆགས་པའི་ཕྱག་རྒྱ་བཞིས།། རིགས་དང་མཐུན་པ་ཉིད་དུ་བསྒོམ།། ཕྱོགས་སུ་འགྲོ་དང་དབྲོག་པ་དང་།། ཚེ་བསྙུང་བ་དང་ལས་རྣམས་དང་།། མངོན་སུམ་ཅི་འདོད་སྨྲ་བའི་མཆོག། རིགས་ཀྱི་ཡུམ
324b6 དང་རྩེན་པར་འགྱུར།། སྲིད་པ་ལས་འཕགས་མྱ་ངན་འདས།། ཏིང་འཛིན་འདི་ཡིས་བྱེད་པར་འགྱུར།། ཞེས་བརྗོད་པས་རྣམ་པར་སྨིན་པའི་ཚོགས་དེ་བཞིན་གཤེགས་པའི་ཆེ་བའི་ཡོན་ཏན་ཉིད་དུ་མཁྱེན་ཏོ།། མཁྱེན
iiif viewer powered by OpenSeadragon
