| e-texts navigator |
| Wylie |
323b1 གནས་བདེ་ལྡན་ཁེངས་གྱུར་པ།། ཡུམ་གྱི་ཚོགས་ཀྱང་གསལ་བར་གནས།། ཕྱག་རྒྱ་སྙིང་པོ་གཟུགས་ལ་སོགས།། རིགས་དང་མཐུན་པར་ཤིན་ཏུ་བསམ།། བརྟན་པ་སྟྭཾ་གྱི་འཕྲོ་འདུ་ལྟར།། རྣམ་ཤེས་བྱིན་བརླབས
323b2 ང་དུ་བརྟགས།། གཞི་རྩ་མེད་པའི་སེམས་ཉིད་ལས།། ཡིད་བཞིན་ཡི་གེ་སྤྲིན་ཚོགས་བསྒོམ།། ཕྱག་རྒྱ་གསལ་བ་ཉེ་བསྙེན་པ།། འཕྲོ་འདུ་རིགས་དང་མཐུན་པ་ནི།། བསྒོམས་ནས་བཟླས་དང་མངོན་སུམ་ན།། དམ
323b3 ཚིག་ཞགས་པ་མཆོག་གིས་བཅིང་།། རྗེས་སུ་ཆགས་པའི་ཕྱག་རྒྱ་བཞི།། རིགས་དང་འདུ་འཕྲོ་མཐུན་པར་བསྒོམ།། གསོ་དང་གསད་དང་ཕམ་དང་རྒྱལ།། གཞན་དུ་འགྲོ་དང་འདུག་པ་དང་།། ཅི་འདོད་འོང་དང་སྨྲ
323b4 ཡང་རུང་།། མཚོན་དང་འཇིགས་པ་མང་བ་དང་།། བཅིངས་པའི་ལས་དང་མཚོན་ལས་ཐར།། དཔལ་ལྡན་པདྨ་མཆོག་གི་ཡུམ།། བདེ་ཆེན་གར་དབང་གཟུགས་འཛིན་པ།། དབབ་པར་བྱ་བའི་གཟུགས་བརྙན
323b5 ནི།། ལྗོན་པའི་ལྕུག་ཕྲན་ལ་སོགས་ལ།། དང་པོར་གནས་ལྔ་བྱིན་གྱིས་བརླབས།། དེ་ནས་གནས་ལྔ་ཤེས་རབ་བསྒོམ།། སྤྱི་གཙུག་ཁ་དང་སྙིང་ག་མཚན།། ལས་བཞི་འབྲུ་བཞི་བཾ་དུ་བརྟགས།། དེ་ཉིད་གོམས་ལས
323b6 གསང་མཚན་པ།། བཾ་གྱི་ཚོགས་ཀྱི་ལྷ་རྣམས་བསྒོམ།། སངས་རྒྱས་ཆུ་ཡི་སྦྱོར་བ་ལས།། རྡོ་རྗེ་གསུང་རྣམས་བྱིན་གྱིས་རློབ།། དེ་ཉིད་མཐའ་བྲལ་མི་དམིགས་ལས།། རྡོ་རྗེ་གསུང་གི་གཟུགས་བཅས་ནས།། སངས
iiif viewer powered by OpenSeadragon
