| e-texts navigator |
| Wylie |
323a1 ཀྱང་གསལ་བར་གནས།། ཕྱག་རྒྱ་སྙིང་པོ་གཟུགས་ལ་སོགས།། རིགས་དང་མཐུན་པར་ཤིན་ཏུ་བསམ།། བརྟན་པ་ཧཱ་ཡི་འཕྲོ་འདུ་ལྟར།། རྣམ་ཤེས་བྱིན་བརླབས་ངང་དུ་བརྟགས།། གཞི་རྩ་མེད་པའི་སེམས་ཉིད
323a2 ལས།། ཡིད་བཞིན་ཡི་གེ་སྤྲིན་ཚོགས་བསྒོམ།། ཕྱག་རྒྱ་གསལ་བ་ཉེ་བསྙེན་པ།། འཕྲོ་འདུ་རིགས་དང་མཐུན་པའི་གྲངས།། སྒོམ་དང་བཟླས་དང་མངོན་སུམ་ན།། ལྕགས་ཀྱུའི་སྟངས་ཀྱིས་བསྐུལ་བར
323a3 གསུངས།། རྗེས་སུ་ཆགས་པའི་ཕྱག་རྒྱ་ཡིས།། རིགས་དང་མཐུན་པའི་འཕྲོ་འདུ་བསྒོམ།། ཡོན་ཏན་སྐུ་གསུང་ཡིད་བཞིན་གཏེར།། དཔལ་ལྡན་སྒྱུ་འཕྲུལ་མཆོག་ཆེན་མོ།། ཆས་ཤིང་བསྒྲེགས་པའི་གཟུགས་བརྙན
323a4 ནི།། ལྗོན་པ་ལྕུག་ཕྲན་ལ་སོགས་ལ།། དབབ་པ་མཆོག་གི་ལས་བྱ་བ།། སྤྱི་གཙུག་ཁ་དང་སྙིང་ག་མཚན།། འབྲུ་ལྔས་བྱིན་བརླབས་ཨོཾ་དུ་བརྟགས།། དེ་ཉིད་གོམས་ལས་གསང་མཚན་པ།། ཨོཾ་གྱི་ཚོགས་ཀྱི་ལྷ་རྣམས
323a5 བསྒོམ།། སངས་རྒྱས་མེ་ཡི་སྦྱོར་བ་ལས།། རྒྱལ་བ་ཐམས་ཅད་བྱིན་གྱིས་རློབ།། དེ་ཉིད་མཐའ་བྲལ་མི་དགྱེས་ལས།། ཡོན་ཏན་གཏེར་གྱི་གཟུགས་བཅས་ན།། སངས་རྒྱས་རིན་ཆེན་ཙ་ན་ཀ། ཤེས་རབ་ཡུམ་དང
323a6 ལྡན་པར་བསྒོམ།། དེ་ལས་རྡོ་རྗེར་བྱིན་བརླབས་ཏེ།། པདྨ་གསང་ནས་འཛུམ་ཐབས་ཡིན།། སྦུབས་སུ་ཞུགས་ལ་དེ་ལུས་དགང་།། དེ་གོམས་བློ་བདེ་གསལ་སྒྲོ་ཐིམ།། རིན་ཆེན་རིགས་རྣམས་སྟྭཾ་དུ་བསྒོམ།། སྣོད
iiif viewer powered by OpenSeadragon
