| e-texts navigator |
| Wylie |
321a1 ཚོགས་སུ་ཤིན་ཏུ་བསྒོམ།། ལུས་ཉིད་ཨཿཡི་ཚོགས་ལ་བསྟིམ། གང་ལ་བྱ་བའི་གཟུགས་བཟུང་ནས།། ཁ་དོག་དཀར་པོའི་ཚོན་ཕྱེ་ཡིས།། དེ་ཡི་སྙིང་ནང་བདག་ཞུགས་ལ།། ཧཱུཾ་ཞེས་བྱ་བའི་སྔགས
321a2 བཟླས་ནས།། མང་པོས་བཀུར་བ་རྒྱལ་ཆེན་པོ།། བློ་རྣོ་ཡིད་མཛངས་བཞིན་བཟངས་དང་།། སྔ་བས་ལོངས་སྤྱོད་འདུ་བ་དང་།། གནས་པར་དགའ་བ་བཞིན་དུ་འགྱུར།། དེ་ཡི་ལུས་ལས་འབྱུང་འདོད་ན།། ཞི་བས
321a3 བདག་གི་གཟུགས་བཟུང་ལ།། དལ་བུས་ཨོཾ་ཞེས་བསྡུས་པ་ཡིས།། བདག་གི་ལུས་ལ་གཟུད་པར་འགྱུར།། ཐམས་ཅད་མ་ལུས་ཕྱག་རྒྱ་ཉིད།། ཆོས་སྐུ་མཆོག་གི་རྟེན་གྱུར་པ།། ཕྱོགས་ཀུན་གང་བར་གསལ་བར
321a4 བསྒོམ།། དེ་ཉིད་ངག་ལམ་ཀུན་ཁེངས་པར།། སྟྭཾ་གྱི་ཚོགས་སུ་རབ་ཏུ་བསྒོམ།། ལུས་ཉིད་སྟྭཾ་ཀྱི་ཚོགས་ལ་བསྟིམ།། གང་ལ་བྱ་བའི་གཟུགས་བཟུང་ནས།། ཁ་དོག་སེར་པོའི་ཚོན་ཕྱེ་ཡིས།། དེ་ཡི་སྙིང་ནང་བདག
321a5 ཞུགས་ལ།། སྟྭཾ་ཞེས་བྱ་བའི་སྔགས་བཟླས་ནས།། ནོར་མང་བློན་པོ་ཡིད་མཛངས་ལ།། བློ་རྣོ་སྔ་བས་ལོངས་སྤྱོད་འདུད།། དེ་ཡི་འཁོར་ལ་ལོངས་སྤྱོད་ཅིང་།། གནས་པར་དགའ་བ་བཞིན་དུ་འགྱུར།། དེ་ཡི་ལུས་ལས
321a6 འབྱུང་འདོད་ན།། རྒྱས་པས་བདག་གི་གཟུགས་བཟུང་ལ།། དལ་བུས་སྟྭཾ་ཞེས་བརྗོད་པ་ཡིས།། བདག་གི་ལུས་ལ་ཚུད་པར་འགྱུར།། ཐམས་ཅད་མ་ལུས་ཕྱག་རྒྱ་ཉིད།། ཆོས་སྐུ་མཆོག་གི་རྟེན་གྱུར་པ།། ཕྱོགས་བཅུ
iiif viewer powered by OpenSeadragon
