| e-texts navigator |
| Wylie |
31b1 བའི།། སྐུ་གསུང་ཡོན་ཏན་ཕྲིན་ལས་ཐུགས།། རང་བྱུང་སྙིང་པོ་གསལ་མཐོང་བས།། འབྲས་བུ་ཡེ་ཤེས་ལྷུན་རྫོགས་པས།། ཐོབ་བྱ་གཞན་ན་ཡོད་མ་ཡིན།། རང་བྱུང་སྙིང་པོའི་དངས་མ་ལ།། བྱིན་རླབས་རྟོགས་པའི
31b2 དཀྱིལ་འཁོར་གྱིས།། གསལ་བ་ལ་ནི་གོམས་བྱས་པས།། ཐིག་ལེ་དངས་མ་མ་ལུས་བྱུང་།། ཡེ་ཤེས་ལྔ་རྫོགས་དཀྱིལ་འཁོར་ཉིད།། ཟག་མེད་བདེ་བའི་དཀྱིལ་འཁོར་གྱི།། ནམ་མཁའ་ལྟ་བུར་ཁྱབ་པར
31b3 གནས།། རང་བྱུང་ཐིག་ལེ་མི་ཤིགས་པ།། འབྱུང་བཞི་ཐམས་ཅད་ཀུན་གྱི་རྒྱུ།། འབྱུང་བའི་དངས་མ་ཀུན་གྱི་ཡུམ།། ཆེན་པོ་རྒྱལ་བའི་རང་བཞིན་ཉིད།། བྱང་ཆུབ་སེམས་དང་དབང་པོ་དང་།། ཡུལ་དུས་ཡན་ལག
31b4 བཅས་པ་ཉིད།། རང་བྱུང་རྟེན་གྱི་ཐིག་ལེ་ཡིས།། ནམ་མཁའི་གཟུགས་ཅན་སྐྱེ་བ་མེད།། ཐ་མལ་འབྱུང་བ་ལ་བརྟེན་ནས།། ལྷག་པའི་རོ་ལ་ཐུགས་ཀྱིས་བལྟ།། སྙིང་པོ་ཐིག་ལེར་མཉམ་སྦྱོར་བས།། བདེ་བའི་དཀྱིལ
31b5 འཁོར་བསམ་མི་ཁྱབ།། རང་བྱུང་ཐིག་ལེ་འཕོ་འགྱུར་མེད།། གཞི་ལ་རང་བཞིན་ཐིམ་པ་ཡི།། ཟག་མེད་བདེ་བའི་དཀྱིལ་འཁོར་ཚོགས།། སྒྱུ་མའི་དཀྱིལ་འཁོར་བདེ་བའི་མཆོག། གསང་བ་ཐིག་ལེ་ཀུན་གྱི
31b6 དབྱིངས།། སངས་རྒྱས་དཀྱིལ་འཁོར་ལྷུན་རྫོགས་པ།། ཆེ་བའི་ཡོན་ཏན་བསམ་ཡས་པ།། ཀུན་གྱི་ངོ་བོར་རང་ཤར་བ།། མ་ལུས་ཞལ་མཐོང་དབང་བསྒྱུར་བས།། འབྲས་བུ་གྲངས་འདས་ལྷུན་གྱིས་རྫོགས།། རྒྱན
iiif viewer powered by OpenSeadragon
