| e-texts navigator |
| Wylie |
31a1 རྗེ་ཐེག་པའི་སྙིང་པོ་ནི།། ཡི་གེ་སྒྲ་ཚིག་ལས་འདས་པ།། གསང་སྔགས་ཀུན་གྱི་ངོ་བོར་འདོད།། འདི་ནི་སངས་རྒྱས་ཐམས་ཅད་ཀྱི།། བཀའ་རྒྱུད་ཐེག་པའི་སྙིང་པོ་སྟེ།། གབ་སྦས་གསང་བའི་རང
31a2 བཞིན་པས།། རྟོག་གེ་པ་ཡི་ཡུལ་མ་ཡིན།། སངས་རྒྱས་སྲས་དང་བཅས་པ་ཡི།། ཐབས་དང་ཆོ་གས་བྱིན་བརླབས་པའི།། སློབ་དཔོན་ཐབས་ཀྱིས་ཤེས་གྱུར་ཏེ།། དམན་པས་རྟོགས་གོམས་ཡུལ་མ་ཡིན།། ཐོག་མ
31a3 མཐའ་མ་མེད་པ་ཡི།། གདོད་ནས་དབྱེར་མེད་གསུམ་ལྡན་པའི།། གང་དུ་རྟོགས་གོམས་གསལ་བ་ཡིས།། སྒོ་གསུམ་རང་ལྷར་གསལ་བ་ལ།། བཞི་བཅུ་རྩ་གཉིས་དག་ཏུ་བསྒོམས།། སྐུ་གསུམ་རྡོ་རྗེ་གསུམ་ལས
31a4 བྱུང་།། ཡེ་ཤེས་ལྔ་ཡིས་རྒྱས་བཏབ་ལ།། ཐུགས་ཀྱི་དཀྱིལ་འཁོར་བཞི་བཅུ་གཉིས།། གཞན་ཡང་དེ་བཞིན་ཤེས་པར་བྱ།། ཕུང་པོ་འབྱུང་བ་རྣམ་ཤེས་དང་།། ཡུལ་དང་དབང་པོ་དུས་སུ་བཅས།། འཁོར་ལོ་གསལ
31a5 བར་བརྟགས་བྱས་ཏེ།། མ་ལུས་སྐུ་གསུང་ཐུགས་ཀྱི་ངང་།། ཟག་མེད་ཡེ་ཤེས་ཐིག་ལེ་ལ།། ཡེ་ཤེས་འབྲས་བུ་ལྷན་གྱིས་རྫོགས།། བདག་ཉིད་རིག་པ་རང་སྣང་བའི།། སྙིང་པོ་རྫོགས་པའི་ཐིག་ལེ་ལ།། མ་ལུས་ཆོས
31a6 ཀུན་རང་སྣང་བས།། ཡེ་ཤེས་སྒྱུ་མའི་དཀྱིལ་འཁོར་ཉིད།། ནམ་མཁའི་མཐའ་ལྟར་ཁྱབ་པར་སྣང་།། གསང་བའི་ཐིག་ལེ་ཆོས་ཀྱི་དབྱིངས།། དུས་གསུམ་རྒྱལ་བ་ཀུན་གྱི་དངོས།། ཕྱོགས་བཅུའི་དཀྱིལ་འཁོར་རྒྱ་བྲལ
iiif viewer powered by OpenSeadragon
