| e-texts navigator |
| Wylie |
319b1 གཉིས།། ཕྱི་ནང་སྣོད་བཅུད་ཐམས་ཅད་ཀུན།། དེ་བཞིན་ཉིད་ཀྱི་དབྱིངས་ཉིད་ན།། དེ་ལྟར་གྱུར་ཅིང་སྐྱེས་པ་ཀུན།། སྨོས་ཅི་དགོས་ཏེ་དེ་ཉིད་ཡིན།། ཨ་ཧོཿེ་མའོ་ལྷག་པའི་བྱིན་བརླབས་ཀྱིས།། བདག་ལ་ལྷ
319b2 རྣམས་བསྡུ་བར་བསྒོམ།། དེ་ནས་ལྷ་དང་གཉིས་མེད་ནས།། བདག་ཉིད་ཡི་གེ་ཨོཾ་དང་མཱཾ།། གཉིས་དང་བདག་དང་དབྱིངས་སུ་ཐིམ།། བདག་ཉིད་བདུད་རྩི་འཁྱིལ་པར་བསྒོམ།། སྐུ་མདོག་གངས་ལ་ཉི་ཤར
319b3 འདྲ།། ཟླ་བ་པདྨ་གདན་ཁྲི་ལ།། ཉི་མ་སྟོང་གི་གདན་ཁྲི་ལྡན།། ལྷ་དང་ལྷ་མོའི་ཚོགས་ཀྱིས་བསྐོར།། ཁྲོ་བོ་ཁྲོ་མོའི་དཀྱིལ་འཁོར་བཅས།། གནས་དང་ཡུལ་གྱི་ཕྱག་རྒྱས་མཛེས།། སླས་དང་བྱི་མོ་ཚོགས་ཀྱིས
319b4 བསྐོར།། ཨ་ཧོ་འཁོར་ལོ་རྩིབས་བཞི་མུ་ཁྱུད་བཅས།། དབུས་སུ་བདུད་རྩི་འཁྱིལ་པ་སྟེ།། ཤར་གྱི་རྩེ་ལ་རྡོ་རྗེའོ།། ལྷོ་ཡི་རྩེ་ལ་རིན་པོ་ཆེ།། ནུབ་ཀྱི་རྩེ་ལ་སྣང་མཐའ་ཡས།། བྱང་གི་རྩེ་ལ་དོན་ཡོད་གྲུབ།། ཐབས་དང
319b5 ཤེས་རབ་ལྡན་པར་བསྒོམ།། ཕྱག་རྒྱ་རྣམས་ཀྱང་གསལ་བར་བསྒོམ།། སྙིང་པོ་འབྲུ་ཚིག་གསལ་བར་བཟླས།། དེ་ལ་བདུད་རྩིའི་ཕྱག་རྒྱ་ནི།། བུམ་པ་གང་བ་ཡིད་བཞིན་འབར།། རེ་བ་ཡིད་བཞིན་སྐོང་བར
319b6 བྱེད།། ཉོན་མོངས་སྡུག་བསྔལ་སེལ་བར་བྱེད།། འདོད་ལྔ་ཡོན་ཏན་ལྡན་པར་བྱེད།། དངོས་གྲུབ་ཆེན་པོ་བླ་མེད་པའོ།། བདུད་རྩི་ཆར་བཞིན་འབེབས་པར་བྱེད།། སྒོ་བཞི་ཕྱག་རྒྱ་ལྡན་པ་དང་།། ཨ་མྲྀ་ཏ་ཡི་རྒྱུ་ཉིད
iiif viewer powered by OpenSeadragon
