| e-texts navigator |
| Wylie |
318a1 རྟོག་མི་མཐུན་སོ་སོར་གྱུར།། ལ་ལའི་སྨན་ལ་ལ་ལའི་དུག། སྨན་དུ་མ་གྱུར་གང་ཡང་མེད།། ཐམས་ཅད་མ་ལུས་རྒྱུ་གཅིག་ལས།། མི་མཐུན་ཁྱད་པར་སོ་སོར་སྣང་།། སུས་ཀྱང་མ་བྱས་སུ་བྱེད
318a2 ཡོད།། རྣམ་རྟོག་ཞགས་པས་སོ་སོར་བཅིང་།། སྡུག་བསྔལ་མ་ལུས་འཁྲུལ་འཁོར་དང་།། ཁམས་གསུམ་ཕྱིན་ཅི་ལོག་བཞི་དང་།། དུས་གསུམ་འགྲོ་ལྔ་ཐམས་ཅད་དང་།། ཉོན་མོངས་སྡུག་བསྔལ་ཐམས་ཅད
318a3 སྦྱོང་།། རྣམ་པར་ཐར་པ་ལྟ་རྫོགས་བྱེད།། ས་བཅུ་རྫོགས་ཤིང་སངས་རྒྱས་ས་ཡང་རྫོགས།། དེ་ཕྱིར་སྨན་འདི་བསྒྲུབ་པར་བྱ།། ཀུན་ལ་ཕན་པའི་སྨན་ཡིན་པས།། དེ་ཕྱིར་ང་དང་བདག་མ་འཛིན།། གཙང་དང་སྨེ་བའི
318a4 བློ་རྟོག་བོར།། ཐམས་ཅད་མཉམ་པ་ཉིད་དུ་སྤྱོད།། རྩ་བ་བྱང་ཆུབ་སེམས་ཉིད་རྟོགས།། ཐབས་ཀྱིས་ཕ་རོལ་ཕྱིན་པ་སྤྱོད།། སྙིང་རྗེས་ཆུད་མ་ཟོས་པར་གྱིས།། བདུད་རྩི་མཆོག་ནི་མཉམ་པའི་དབྱིངས།། བདུད་རྩིའི
318a5 དོན་ནི་སྐྱེ་ཤི་མེད།། བདུད་རྩི་གནས་ནི་བྱང་ཆུབ་སེམས།། བདུད་རྩི་ལས་ནི་རྣམ་རྟོག་སྦྱོང་།། བདག་དཔལ་ཚོགས་ཤིང་འགྲོ་དོན་མཛད།། སྨན་གྱི་བྱིན་བརླབས་བསམ་མི་ཁྱབ།། ངན་སོང་སྦྱོང་ཞིང་མཐོ་རིས
318a6 འགྲུབ།། གསེར་འགྱུར་སྨན་དང་མུན་སེལ་བཞིན།། གཞན་ཡང་དགོས་པ་སྣ་ཚོགས་འགྲུབ།། རྐྱེན་ལས་བྱུང་བའི་དུག་རྣམས་དང་།། རྩ་བའི་དུག་དང་སྦྱར་བའི་དུག། ཀླུ་དུག་སྦོད་གཏོང་དུག་ལ་སོགས།། ཐུགས་རྗེ
iiif viewer powered by OpenSeadragon
