| e-texts navigator |
| Wylie |
316b1 བརྟགས།། ས་ཆུ་མེ་ཡི་འབྱུང་བ་རྣམས།། དེ་ཡི་དབྱིངས་ནས་འབྱུང་བར་ནི།། འདོད་པའི་བདག་ལ་ཤིན་ཏུ་བརྟག། མི་གནས་ནམ་མཁའི་མཐའ་ཀླས་པར།། གོམས་པར་འདོད་པ་ཐོད་པ་དང་།། ཆུ་ལས་ས་བཞིན
316b2 འགྲོ་བ་དང་།། བསྲེག་བྱ་འབར་བའི་དབུས་གནས་དང་།། ཚ་བ་རླུང་གིས་བཏེག་ནས་ཀྱང་།། ཕྱོགས་བཅུ་ཀུན་ཏུ་ཕྱིན་པར་འགྱུར།། གསང་བའི་སྙིང་པོ་དེ་ཁོ་ན་ཉིད་ངེས་པ་ལས་རྡོ་རྗེ་སྙིང་པོ་ལས་ཐམས་ཅད་ཀྱི
316b3 ལེའུ་སྟེ་སུམ་ཅུ་བདུན་པའོ།། །། དེ་ནས་བཅོམ་ལྡན་འདས་དགྱེས་པ་ཆེན་པོས་གསང་བའི་སྙིང་པོ་འདི་བརྟན་པར་འཛིན་པའི་དོན་ཆེད་དུ་ཆེད་དུ་བརྗོད་པ་འདི་བརྗོད་དོ།། དེ་ཉིད་ཆོས་དབྱིངས་མཉམ་སྦྱོར
316b4 བས།། སངས་རྒྱས་ཀུན་བདག་བྱིན་གྱིས་བརླབ།། ཀྵ་ལམ་ཨ་ཡི་ཚོན་བཞིན་དུ།། སྒྱུ་འཕྲུལ་དྲ་བའི་དཀྱིལ་འཁོར་བསྒོམ།། ལུགས་སུ་བླུགས་པ་བཞིན་དུ་ནི།། དེ་ཉིད་ཡིད་ལམ་མཆོག་གྲུབ་པའོ།། དེ་ཉིད་གསལ
316b5 བར་མཉམ་སྦྱོར་ལས།། སངས་རྒྱས་ཀུན་བདག་བྱིན་གྱིས་བརླབ།། ཨོཾ་ལཱཾ་ཨ་ཡི་ཚོན་བཞིན་དུ།། སྒྱུ་འཕྲུལ་དྲ་བའི་དཀྱིལ་འཁོར་བསྒོམ།། ལུགས་སུ་བླུགས་པ་བཞིན་དུ་ནི།། དེ་ཉིད་གཟུགས་ལམ་མཆོག་གྲུབ
316b6 པའོ།། དེ་ཉིད་མཉམ་ཉིད་མཉམ་སྦྱོར་ལས།། སངས་རྒྱས་ཀུན་བདག་བྱིན་གྱིས་བརླབ།། སྟྭཾ་ལཾ་ཨ་ཡི་ཚོན་བཞིན་དུ།། སྒྱུ་འཕྲུལ་དྲ་བའི་དཀྱིལ་འཁོར་བསྒོམ།། ལུགས་སུ་བླུགས་པ་བཞིན་དུ་ནི།། དེ་ཉིད་ཁྱད་པར
iiif viewer powered by OpenSeadragon
