| e-texts navigator |
| Wylie |
315b1 མོའི་ཚོགས་ཆེན་མང་པོ་རྣམས།། འཇིགས་པའི་གཟུགས་ཀྱིས་གནས་པར་བྱེད།། གསང་བའི་སྙིང་པོ་དེ་ཁོ་ན་ཉིད་ངེས་པ་ལས་དེ་བཞིན་གཤེགས་པ་ཐམས་ཅད་ཀྱི་དམ་ཚིག་གདུག་པའི་ཚོགས་བྱིན་གྱིས་རློབ་པ
315b2 ཞེས་བྱ་བའི་ལེའུ་སྟེ་སུམ་ཅུ་དྲུག་པའོ།། །། དེ་ནས་དེ་བཞིན་གཤེགས་པ་ཐམས་ཅད་དགོངས་པ་གཅིག་ཏུ་གྱུར་ནས། དེ་བཞིན་གཤེགས་པ་ཉིད་དེ་བཞིན་གཤེགས་པ་ཉིད་ལ་ཆེད་དུ་བརྗོད་པ་འདི་བརྗོད
315b3 དོ།། བྱེད་པ་རྡོ་རྗེ་མཆོག་ཉིད་ཀྱི།། སྒྱུ་འཕྲུལ་ལམ་གྱི་དཀྱིལ་འཁོར་ལས།། དྲ་བའི་དཀྱིལ་འཁོར་མངོན་རྫོགས་པར།། འཇུག་པའི་ཡིད་ཀྱི་དགོངས་པ་ཡིན།། ཤིན་ཏུ་ཕྲ་ལ་སྦྱངས་པ་ནི།། དཀྱིལ་འཁོར་བཞི་བཅུ
315b4 གཉིས་ཀྱིས་མཛེས།། ཚོམ་བུ་གཉིས་ཀྱི་བྱེ་བྲག་ཏུ།། སྤྲོ་ཞིང་བསྡུ་བའང་དེ་བཞིན་ནོ།། ཡིད་དུ་འོང་བའི་ས་གཞིར་ནི།། རྐང་མཐིལ་ཐིག་གདབ་དཀྱིལ་འཁོར་བྲི།། ཨོཾ་དང་མཱཾ་གྱི་དཀྱིལ་འཁོར་བསྒོམ།། དེ་ལས་ཕྲ་མོ
315b5 རྡོ་རྗེས་དགང་།། ཕྲ་བར་ས་བསྡུས་མཐིལ་དུ་གཟུང་།། ཡུམ་གྱི་ཚོགས་སུ་ཤེས་པས་བརྟགས།། གང་གི་ཡུལ་ཡང་དབང་དུ་གྱུར།། མི་མཐུན་གཟུགས་སུ་བརྟགས་པ་ནི།། དྲ་བའི་འདུ་འཕྲོས་དེ་ལུས་བཞིན།། ལུགས
315b6 ཀ་བཞིན་དུ་ཧཾ་དུ་བརྟག། དེ་ལས་འོད་བཞིན་མཐིལ་དུ་གཟུང་།། གསང་ནས་ངག་ལམ་ཧཾ་དུ་བྱ།། རླུང་ཟླའི་སྟེང་དུ་མཁས་པས་གཞག། དྲག་པོ་ལྕེ་ཡི་སྦྱོར་བ་ཡིས།། གླིང་ཁམས་གཞན་དུ་ཤིན་ཏུ་གཏང་།། བདག
iiif viewer powered by OpenSeadragon
