| e-texts navigator |
| Wylie |
315a1 དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་དང་ཡོན་ཏན་དང་ཕྲིན་ལས་ལས་ཐུགས་ཀྱི་དཀྱིལ་འཁོར་ཐིག་ལེ་ཆེན་པོ་ཞེས་བྱ་བ་འདི་ཉིད་ཀྱི་རྡོ་རྗེ་ཐིག་ལེ་ཆེན་པོའི་དམ་ཚིག་སྐུ
315a2 འཕྲུལ་དྲ་བ་ལས་ཕྱུང་ངོ་།། ཨོཾ་ཁྲག་མངས་དཔའ་ཀློང་འཁྱིལ་པ་ཡི།། ཀེང་རུས་ཚོགས་ཀྱི་རི་རབ་འབུམ།། འདུས་པའི་ཚོམ་བུ་ལྔ་ཡི་རི།། འཁོར་ལོ་རྩིབས་བཞི་འབར་བའི་ཁང་།། གྲུ་ཆད་བཞིས་བརྒྱན་རབ་བརྗིད
315a3 པའི།། གྲུ་བཞི་སྒོ་ཁྱུད་བཞི་དང་ལྡན།། འབར་བའི་བར་ཁྱམས་གཉིས་ཀྱིས་མཛེས།། ཐོད་སྦྲུལ་སྣ་ཚོགས་ཉི་ཟླས་བརྗིད།། སྟ་ན་མང་པོ་ལྷ་ཆེན་བརྟེན།། དགྱེས་པ་ཆེན་པོ་ཀུན་ཏུ་བཟང་།། ཕྱག་དང་ཞབས་ནི་བརྒྱད
315a4 པ་ཡི།། ཐོད་སྦྲུལ་སྣ་ཚོགས་ཉི་ཟླས་བརྗིད།། འཇིགས་བྱེད་ཆེན་པོ་ཁྲག་འཐུང་བའི།། རྡོ་རྗེ་སྙིང་པོ་ཐིག་ལེ་ཐུགས།། དབུ་གསུམ་ཕྱག་དྲུག་ཞབས་བཞི་བགྲད།། ཁྲོ་མོ་བཞིས་མཆོད་ངོས་བཞིར་ནི།། དགྱེས་པ་ཆེན
315a5 པོའི་ཚུལ་འཆང་བ།། ཕྱོགས་བཞི་གྲ་དང་བཅས་པར་ནི།། སྤྲུལ་པའི་རྣལ་འབྱོར་ཕྲ་མེན་རྣམས།། རི་རབ་ཞིང་ཆེན་སྟེང་ན་གནས།། འབར་བས་ཕྱག་བསྣམས་ཆེན་པོ་ནི།། རྡོ་རྗེ་དུང་ཆེན་གང་བ་དང་།། པདྨའི་གཞལ
315a6 མེད་རྔེའུ་ཆུང་བརྡུང་།། ཞིང་གི་ཞགས་པས་འཆིང་བ་དང་།། ཁ་ཊྭཱཾ་འཕེན་ཅིང་འཁྲིལ་བ་སྟེ།། བཙུན་མོ་འཛིན་པའི་ཚོགས་དང་བཅས།། གནས་དང་ཡུལ་གྱི་ཕྱག་རྒྱ་དང་།། སྒོ་བཞི་ཕྱག་རྒྱ་རབ་མཛེས་པར།། བྲན
iiif viewer powered by OpenSeadragon
