| e-texts navigator |
| Wylie |
312a1 སྙིང་པོ་དེ་ཁོ་ན་ཉིད་ངེས་པ་ལས་འཇིགས་བྱེད་ཆེན་པོའི་བསོད་ནམས་སྦྱིན་པ་དམ་ཚིག་གི་ལེའུ་སྟེ་སུམ་ཅུ་གསུམ་པའོ།། །། དེ་ནས་བཅོམ་ལྡན་འདས་དགྱེས་པ་ཆེན་པོས་ཆོ་ག་དང་དཀྱིལ་འཁོར
312a2 ཡོངས་སུ་ཤེས་པར་བྱ་བའི་ཕྱིར་ཆེད་དུ་བརྗོད་པ་འདི་བརྗོད་དོ།། དེ་བཞིན་གཤེགས་པའི་སྐུ་གསུང་ཐུགས།། ཆོས་དབྱིངས་རྣམ་དག་དཀྱིལ་འཁོར་རོ།། གསང་སྔགས་སྤྱི་ཡི་དཀྱིལ་འཁོར་ལས།། ཤེས་འཇུག་ཡུམ
312a3 གྱི་དཀྱིལ་འཁོར་བསྒོམ།། རྒྱང་གྲགས་དཔག་ཚད་ལ་སོགས་དང་།། ལུས་གང་ལུས་དོ་གསུམ་གྱི་ཚད།། རང་གི་རིག་པས་ཅི་ནུས་པར།། སྒྱུ་འཕྲུལ་དྲ་བའི་དཀྱིལ་འཁོར་བསྒོམ།། གནོད་བསྐྲད་ས་གནོན་བྱིན་གྱིས
312a4 བརླབ།། ལྗོན་པ་ལྕུག་ཕྲན་སྡོང་གཅིག་དང་།། མ་རེག་ཚོན་གྱིས་ཇི་བཞིན་དུ།། གོམས་པར་བྱ་བའི་ཏིང་འཛིན་དབབ།། འཇིགས་བྱེད་སྐུ་གསུང་དཀྱིལ་འཁོར་བཟླས།། གནས་དང་ཟླ་དང་རྫས་རྣམས་ནི།། ཚོགས
312a5 ཀྱི་མཆོག་ཏུ་དམིགས་པས་གཞག། དང་པོར་མཆོད་སྦྱིན་དམ་པས་མཆོད།། གཟུགས་དང་ལུགས་ཆེན་དུང་མཆོག་ནི།། ཅི་འདོད་སྣང་བར་བདག་གིས་དགོད།། འཇིགས་བྱེད་དབང་དུ་བདག་ཞུགས་ནས།། ཁྲོ་མོ
312a6 སྙེད་འཁོར་དུ་བྱ།། བར་ཆད་ཏིང་འཛིན་མཆོག་གིས་ཟློག། གསང་བའི་སྙིང་པོར་ཉིད་བཤམས་ཏེ། འདས་པ་བདག་ཏུ་མཉམ་སྦྱར་ཞིང་།། ཐུགས་ཀྱི་སྔགས་ཀྱིས་སྤྱན་དྲངས་ནས།། བདག་གི་ལུས་ལ་ཞུགས་ཚུལ
iiif viewer powered by OpenSeadragon
