| e-texts navigator |
| Wylie |
311a1 ཤེས་རོལ་པ་དགྱེས་པ་ཧོ།། ཅི་ཡང་མིན་པས་དགྱེས་པ་ཧོ།། གནོད་པ་སྡུད་པས་དགྱེས་པ་ཧོ།། ཆོས་ཀྱི་དབྱིངས་ཉིད་དགྱེས་པ་ཧོ།། དེས་དགྱེས་པ་ཆེན་པོ་ཉིད་ལ་ཉིད་ཤིན་ཏུ་དགྱེས་པར་གྱུར་ཏེ།
311a2 ཆོས་ཐམས་ཅད་གཅིག་གི་རང་བཞིན་དུ་གྱུར་ཏོ།། གསང་བའི་སྙིང་པོ་དེ་ཁོ་ན་ཉིད་ངེས་པ་སྟོང་ཕྲག་བརྒྱ་ལས་དགྱེས་པ་ཆེན་པོའི་བྱིན་བརླབས་དང་ཡོན་ཏན་མཆོག་སྟོན་པའི་ལེའུ་སྟེ་སུམ་ཅུ་གཉིས
311a3 པའོ།། །། དེ་ནས་བཅོམ་ལྡན་འདས་དགྱེས་པ་ཆེན་པོས་འཇིགས་བྱེད་ཀྱི་བསོད་ནམས་སྦྱིན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་ཆེད་དུ་བརྗོད་པ་འདི་བརྗོད་དོ།། འཁོར་ལོ་བར་ཁྱམས་སྒོ
311a4 རྣམས་སུ།། འཇིགས་བྱེད་འཁོར་ལོ་རིགས་ཀྱི་གཙོ།། བཙུན་མོ་ཚོགས་དང་ལྡན་པར་བསྒོམ།། ཞི་དང་དྲག་པོ་དབང་དང་རྒྱས།། འཇིགས་པའི་ཚོགས་ཆེན་དེ་དབུས་སུ།། བདག་ཉིད་དྲག་པོ་བཅོས་ཚུལ་དུ།། སྐུ
311a5 གསུང་ཐུགས་ཀྱི་དཀྱིལ་འཁོར་བསྒོམ།། འཁོར་ལོ་བར་ཁྱམས་སྒོ་རྣམས་སུ།། འཇིགས་བྱེད་རྡོ་རྗེ་རིགས་ཀྱི་གཙོ།། བཙུན་མོ་འཛིན་པའི་ཚོགས་དང་བཅས།། ཁྲོ་མོའི་ཚོགས་དང་ལྡན་པར་བསྒོམ།། ཞི་དང་དྲག་པོ
311a6 དབང་དང་རྒྱས།། འཇིགས་པའི་ཚོགས་ཆེན་དེ་དབུས་སུ།། ལུས་དང་ངག་ཡིད་བྱིན་བརླབས་ནས།། བདག་ཉིད་དྲག་པོ་བཅོས་ཚུལ་དུ།། སྐུ་གསུང་ཐུགས་ཀྱི་དཀྱིལ་འཁོར་བསྒོམ།། འཁོར་ལོ་བར་ཁྱམས་སྒོ་རྣམས
iiif viewer powered by OpenSeadragon
