| e-texts navigator |
| Wylie |
310a1 མགོན་དུ་གྱུར་པས་ན།། དུག་དང་བདུད་རྩི་ཁྱད་མེད་པའི།། ཆོས་སྐུ་གདུག་པས་བརྒྱན་པའི་སྦྲུལ།། དབང་རྟགས་ཡེ་ཤེས་རྒྱན་དུ་བཞག། དུར་ཁྲོད་རྫས་དང་ཁྲག་འཐུང་བའི།། གཡང་གཞི་སྟག་གི
310a2 པགས་ཆེན་བགོས།། འཇིགས་བྱེད་སྙིང་རྗེའི་དམ་ཚིག་ནི།། སྐྱེ་ཤི་རྩ་བ་གཅོད་མཛད་པ།། མི་གཡོ་མགོན་ཞེས་མཆོག་ཏུ་བསྒྲགས།། ང་རྒྱལ་ལག་གིས་འདུ་བྱེད་པ།། ང་རྒྱལ་འཕྲོག་པའི་དམ་ཚིག་སྟེ།། ཀུན་ཏུ
310a3 བཟང་པོའི་སྤྱོད་ཡུལ་ལ།། སྔགས་ཀྱི་སྙིང་པོ་དེ་ཉིད་པ།། ཧཱུཾ་ཧཱུཾ་ཧཱུཾ་གིས་སྡུད་ཟ་འཐུང་།། རྡོ་རྗེ་ཐུགས་ཀྱི་བྱིན་བརླབས་ཀྱིས།། ཧཱུཾ་མཛད་ཆེས་ནི་རྣམ་པར་བསྒྲགས།། མི་མཆེད་གཏི་མུག་ཆེན་པོ་ནི།། ཉོན་མོངས་རྒྱ
310a4 མཚོ་རྔུབ་པའི་ཕྱིར།། བྷན་དྷ་ཀློང་ཆེན་འཐུང་བར་སྣང་།། འཇིག་རྟེན་འབར་བའི་སྤྲིན་ཆེན་པོ།། བསྐལ་པ་ལས་ཀྱི་ཟིལ་གནོན་པ།། རྡོ་རྗེ་མེ་ཡི་འབར་བ་འབྱུང་།། ཉོན་མོངས་རྒྱ་མཚོ་སྐེམས་པར་བྱེད།། འཇིགས
310a5 བྱེད་ཐབས་ཀྱི་དམ་ཚིག་གིས།། བསམ་ཡས་འཇིག་རྟེན་འཁོར་ཡུག་བཅས།། རང་གི་སྐུ་ཡི་གཞལ་མེད་བསྡུས།། སྒྱུ་འཕྲུལ་དྲ་བའི་ཡེ་ཤེས་ནི།། ཟིལ་གྱིས་གནོན་པ་དུར་ཁྲོད་གླིང་།། ཚོམ་བུ་གཉིས་ཀྱི་ལྷ་ཆེན
310a6 པོ།། རྡོ་རྗེ་སྐུ་ཡི་བྱིན་བརླབས་ཀྱིས།། ཐིག་ལེ་མི་གཡོ་བདེ་བ་ལས།། རང་བཞིན་རོལ་པ་ཆེན་པོས་ནི།། རྡོ་རྗེ་ཕྲ་མེན་ཕོ་ཉའི་ཚོགས།། ཁམས་གསུམ་འདུལ་བར་ཡང་དག་མཛད།། ཧ་ནི་ཐིག་ལེ་ཞི་བ་ཉིད།། ཧ
iiif viewer powered by OpenSeadragon
