| e-texts navigator |
| Wylie |
309b1 གློག་སྟོང་འགྱུར་བ་ཡི།། མེ་ཡི་ཚོགས་ཀྱི་གཞན་ཕུག་གློག། བདུད་རྩི་ཞིང་དུ་སྦྱོར་བས་ན།། བདུད་རྩི་མཆོག་གི་ཁྲོ་བོ་ཡིན།། སྐུ་ཉིད་མཉམ་པ་རྫོགས་པ་ལས།། སྣ་ཚོགས་འཆར་བར་རབ་སྟོན་པ།། ཡེ་ཤེས་སྐུ
309b2 འཕྲུལ་སྟོབས་ཆེན་པོ།། མི་གཡོ་མཆོག་གི་འདུ་འཕྲོ་ལས།། གཤོག་པ་རྡོ་རྗེ་གཏམས་པ་ནི།། ཤེས་རབ་ཚོགས་ལ་འཕྲུལ་པ་དང་།། ཐུགས་རྗེ་དྲ་བའི་བྱིན་བརླབས་ཀྱིས།། འཁོར་ཡུག་ཇི་སྙེད་མཐའ་ཀླས
309b3 པ།། དབྱིངས་ཉིད་བདེ་ལ་སྤྱོད་པ་སྟེ།། འཕྲོས་ནས་དབང་དུ་བྱེད་པའི་དོན།། རྟ་ཡི་གར་ཐབས་རྫུ་འཕྲུལ་གྱིས།། གཅིག་ཀྱང་ཡལ་བ་མ་ཡིན་པའོ།། ཆོས་དབྱིངས་མཉམ་དང་མི་མཉམ་པའི།། སྒྱུ་འཕྲུལ་དཀྱིལ
309b4 འཁོར་མཐས་ཀླས་པར།། རྩེད་མོ་མཆོག་གི་ཕྱག་རྒྱ་ནི།། བརྐྱང་དང་བསྐུམ་པ་ཞབས་ཚུལ་ཏེ།། ཐབས་དང་ཤེས་རབ་རོལ་པའི་དོན།། རང་དབང་ཐབས་ཆེན་རྒྱལ་པོ་ཡིས།། སངས་རྒྱས་ཀུན་གྱི་སྐུ་གསུང་བ།། ཐིག།
309b5 ལེ་མཆོག་གི་གནས་ལ་རྫོགས།། དབང་ཕྱུག་ལྷ་ཆེན་ལ་སོགས་ལ།། ཟིལ་གནོན་ཁྲོས་པའི་ཕྱག་མཚན་པ།། སྣ་ཚོགས་མཚོན་རྣོན་མང་པོ་བསྣམས།། ང་རྒྱལ་གདུག་པའི་ཞེ་སྡང་གཅོད།། གཏི་མུག་ཆོས་སྐུ་སྒྱུ་འཕྲུལ
309b6 བ།། དྲ་བའི་ཐུགས་རྗེ་མཐའ་དག་ནི།། ཁྲོས་པའི་དམ་ཚིག་སྙིང་རྗེ་ཡིས།། མཉམ་པའི་ཐིག་ལེར་དགོད་པ་ནི།། གཤིན་རྗེ་གཤེད་པོར་གདུགས་པའི་རྒྱལ།། གདུག་པའི་ཚོགས་རྣམས་མཆོག་སྒྲོལ་བདེན།། འགྲོ་ལ
iiif viewer powered by OpenSeadragon
