| e-texts navigator |
| Wylie |
308b1 པོས་ཉིད་ཀྱི་བྱིན་བརླབས་དང་ཡོན་ཏན་སྟོན་པ་ཞེས་བྱ་བ་འདི་ཆེད་དུ་བརྗོད་པ་འདི་བརྗོད་དོ།། ཨོཾ་སངས་རྒྱས་རྣལ་འབྱོར་ཆེན་པོ་ནི།། དུས་གསུམ་སངས་རྒྱས་ཐམས་ཅད་ཀྱི།། ཡེ་ཤེས་སྙིང་པོའི་མཆོག་ཉིད
308b2 དེ།། སངས་རྒྱས་ཀུན་དུ་བཟང་པོ་ཉིད།། འདི་ཡིན་གཞན་ན་མེད་པ་སྟེ།། རོལ་པ་ཀུན་ལ་མངའ་བརྙེས་ཤིང་།། སྲིད་པ་འཇིག་རྟེན་ཐམས་ཅད་ཀུན།། སངས་རྒྱས་ཉིད་དེ་དུས་གསུམ་དུ།། མ་གཡོས་ལྷུན་གནས་སྙིང
308b3 པོ་སྟེ།། རང་བཞིན་ཆེ་བའི་ཡོན་ཏན་ལས།། མ་རྟོགས་རྨོངས་པའི་འགྲོ་བ་ལ། སྒྱུ་འཕྲུལ་དྲ་བས་མངོན་རྫོགས་པ།། སྙིང་རྗེ་ཆགས་པའི་དམ་ཚིག་གིས།། ང་རྒྱལ་ཉིད་ཀྱི་སྐུ་ཆེན་བསྟན།། གདུག་ཅིང་གཏུམ་པའི
308b4 ཁམས་གསུམ་ན།། འདུལ་བའི་ཞིང་དུ་རབ་སྦྱོར་ཞིང་།། ཕྲིན་ལས་རྣམ་བཞི་རྫོགས་པར་མཛད།། ཡེ་ཤེས་ངོ་མཚར་ཚམ་ངམ་གྱིས།། ཆོས་བཞི་རྣམ་དག་ཆེ་བའི་ལྷ།། ཡེ་ཤེས་སྐུ་སྟེ་ཁྱད་པར་ཆེ།། ཆགས་པའི་ཚོགས
308b5 ཀྱིས་མཚན་མ་ནི།། འདོད་ཆགས་ཆེན་པོ་ཉིད་ཀྱི་སྐུ།། གཏུམ་རྔམ་གདུག་པས་མཚན་པས་ན།། ཞེ་སྡང་ཆེན་པོ་ཉིད་ཀྱི་སྐུ།། གདུལ་བྱ་ཞིང་དུ་རབ་སྦྱོང་ཞིང་།། ཆོས་ཉིད་མཉམ་ལས་བཞེངས་པས་ན།། གཏི་མུག་ཆེན
308b6 པོ་ཉིད་ཀྱི་སྐུ།། སྣོད་བཅུད་དག་པའི་སྤྱོད་ཡུལ་བ།། ཐུགས་སྐུ་གསུང་ལས་འཕྲོས་པ་དང་།། རྒྱལ་བ་ང་ཡིས་མཚན་པས་ན།། ང་རྒྱལ་ཆེན་པོ་ཉིད་ཀྱི་སྐུ།། གསང་བའི་སྙིང་པོ་བཞི་བཅུ་གཉིས།། ཐིག་ལེ་ཐུགས་སུ
iiif viewer powered by OpenSeadragon
